ایمریٹس نے مسافروں سے وعدہ نبھا کر ان کا اعتماد جیت لیا
ایمریٹس نے گزشتہ دو ماہ میں تقریبا 6 لاکھ 50 ہزار ریفنڈ کی درخواستوں کو نمٹا لیا اور اپنے صارفین کو 1.9 ارب درہم واپس کرکے اس نے کورونا وائرس سے متاثرہ لاکھوں مسافروں کے سفری منصوبوں میں رکاوٹ پر ٹکٹ بکنگ کی رقم جلد واپس کرنے کا اپنا وعدہ پورا کر کے ان کا اعتماد جیت لیا ہے
جمعرات 2 جولائی 2020 20:13
ایمریٹس نے اپریل میں اعلان کیا کہ وہ اپنی ریفنڈز کی استعداد میں تیزی لائے گا اور وہ اگست تک بیک لاگ کو ختم کرنے کی کوشش کرے گا ، یہ بیک لاگ اس وقت تقریبا نصف ملین درخواستوں پر مبنی تھا۔ ایئرلائن نے جون کے اوائل تک یہ ہدف حاصل کرلیا اور ماہانہ اوسطا 35 ہزار درخواستوں کی استعداد بڑھا کر تقریبا 2 لاکھ تک پہنچا دی ۔
ایمریٹس کے چیف کمرشل آفیسر عدنان کاظم نے کہا، "یہ عالمی وبا انتہائی غیریقینی ہے جس کی کسی کو توقع نہ تھی اور اس سے مسافر، ایئرلائن اور سفری انڈسٹری شدید متاثر ہورہی ہے۔
(جاری ہے)
ایمریٹس کی طرف سے ہم نے گزشتہ سالوں میں اپنے صارفین کا اعتماد حاصل کیا ہے اور ہم اسے انتہائی اہمیت دیتے ہیں۔
یہ ہر ایک کے لئے مشکل وقت ہے لیکن ہم اپنے صارفین کے لئے مناسب انداز سے کام کرنے کے لئے پرعزم ہیں۔ اسی وجہ سے ہم نے ریفنڈز کے لئے کیش کو یقینی بنایا اور اس عمل کو تیز بنانے کے لئے وسائل فراہم کئے۔ ریفنڈ کے لئے ہمارا اوسط پروسیسنگ دورانیہ 90 روز سے گھٹ کر 60 روز ہوچکا ہے اور جیسے ہی نئی درخواستوں کے حجم میں کمی نظر آئی تو اس دورانیہ کا تناسب مزید بہتر ہوگا۔ ہمیں بدستور پانچ لاکھ سے زائد ریفنڈ کی درخواستوں کو نمٹا نا ہے اور توقع ہے کہ اگلے دو ماہ کے اندر یہ ختم ہوجائیں گی ۔ ہم اپنے صارفین کے تحمل اور اعتماد پر ان کے شکر گذار ہیں اور جلد ہی جہاز میں آپ کا خیرمقدم کرنے کے لئے پرامید ہیں۔ "ریفنڈز کے ساتھ ہی ایمریٹس مسلسل اپنی بکنگ پالیسیوں اور سفری مصنوعات میں جائزہ کاعمل جاری رکھے ہوئے ہے ، تاکہ صارفین کو اپنے پلان اور اپنے سفر کی بکنگ کے لئے اعتماد میں لیا جاسکے۔
ایمریٹس اس وقت 50 سے زائد شہروں میں سفری خدمات پیش کررہا ہے جن میں براستہ دبئی مرکز سے امریکاز، یورپ، مشرق وسطیٰ، افریقہ اور ایشیاء پیسفک شامل ہیں۔ دبئی حال ہی میں 7 جولائی 2020 سے بین الاقوامی مسافروں کا دوبارہ خیرمقدم کرنے کیلئے کھل جائے گا۔
موسم گرما میں بتدریج سرحدوں کے دوبارہ کھلنے کے ساتھ ایمریٹس نے اپنی بکنگ پالیسیوں کو بہتر بنایا ہے تاکہ صارفین زیادہ لچک اور اعتماد و سہولت کے ساتھ سفر کی تیاری کرسکیں۔
ایسے صارفین جو ایمریٹس کا ٹکٹ 31 جولائی 2020 تک یا 30 نومبر 2020 تک خریدتے ہیں، وہ مکمل لچک دار شرائط سے محظوظ ہوسکتے ہیں اور وہ فلیکس یا فلیکس پلس فیئر بک کروا سکتے ہیں۔ یا اگر کورونا وائرس کی وجہ سے انہیں اپنی پرواز یا اپنا سفری منصوبہ تبدیل ہوتا ہے، تو (یہ تمام بکنگز پر قابل اطلاق ہے):
دبئی سے آنے یا جانے کے لئے بک شدہ مقام کے لئے اسی کیبن میں سفر کی بکنگ کی تاریخ مفت تبدیل کرائیں۔
دبئی سے آنے یا جانے کے لئے اسی ریجن میں ایمریٹس کے کسی متبادل مقام کی دوبارہ مفت بکنگ کرائیں۔
مستقبل میں استعمال کے لئے ٹکٹ کی میعاد میں تاریخ اجراء سے اگلے 2 سال تک توسع دلائیں۔
ٹکٹ ویلیو کو سفری واؤچر پر منتقل کریں جسے ایمریٹس کے ساتھ مستقبل کے سفر کے لئے کریڈٹ کے طور پر استعمال کیا جاسکے اور وہ انہیں اپنی ضرورت کے مطابق باسہولت انداز سے سفر کو دوبارہ ری شیڈول کراسکیں ۔
ایمریٹس کے وہ صارفین جن کا صفر کرونا کی وجہ سے متاثر ہوا ہے وہ ایمریٹس کی ویب سائٹ پر ایک آن لائن فارم کے ذریعے ریفنڈز یا باسہولت سفری واؤچرز کی درخواست دے سکتے ہیں، یا مزید معاونت کے لئے اپنے ٹریول بکنگ ایجنٹ سے رجوع کرسکتے ہیں۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.