اینٹی نارکوٹکس فورس فیصل ۱ٓباد نے منشیات کے 2 سمگلرز گرفتار کرلئے،بھاری مقدار میں منشیات بر۱ٓمد

بدھ 8 جولائی 2020 13:38

فیصل آباد (اُردو پوائنٹ اخبارتازہ ترین - اے پی پی۔ 08 جولائی2020ء) اینٹی نارکوٹکس فورس فیصل ۱ٓباد نے بدھ کے روز منشیات کے 2 سمگلرز گرفتار کرلئے جن کے قبضہ سے بھاری مقدار میں منشیات بر۱ٓمدکر لی گئی،اینٹی نارکوٹکس فورس فیصل آبادکے ترجمان نے بتایا کہ فورس پنجاب نے فیصل آباد کے علاقہ نزد اشرف سویٹ عبداللہ پور جڑانوالہ روڈ پر کاروائی کرتے ہوئے ایک ملزم محمد عمران ولد پرویز اخترکو رنگے ہاتھوں گرفتار کرکے اس سے 2.4کلو گرام چرس برآمد کرلی۔

انہوں نے بتایا کہ دوسری کارروائی فیصل آبادریلوے اسٹیشن کے قریب کی گئی جہاں ملزم شہباز ولد محمد یونس کو گرفتار کرکے اس کے قبضہ سے 2.7کلو گرام افیون برآمد کی گئی۔ انہوں نے بتایا کہ دونوں ملزمان فیصل آباد کے رہائشی ہیں جن کے خلاف مقدمات درج کرکے مزید تفتیش شروع کر دی گئی ہے۔

(جاری ہے)

مزید بر ۱ٓں پولیس تھانہ جڑانوالہ نے 8 سالہ بچے سے زیادتی کرنیوالا ملزم گرفتار کرلیا۔

پولیس تھانہ جڑانوالہ سٹی کے ترجمان نے بتایا کہ جڑانوالہ تھانہ سٹی کی حدود میں واقع محلہ محمد بی بی کالونی میں اوباش نوجوان ثقلین نے 8 سالہ طیب کو ورغلا کر مبینہ زیادتی کا نشانہ بنایا۔انہوں نے بتایا کہ پولیس نے متاثرہ بچے کے والد طارق کی مدعیت میں مقدمہ درج کرکے بروقت کارروائی کرتے ہوئے ملزم ثقلین کو گرفتار کر لیاہے جس سے مزید تفتیش جاری ہے۔