چین کو پاکستانی برآمدات میں مالی سال کے پہلے ماہ کمی، درآمدات میں اضافہ ریکارڈ

جمعہ 4 ستمبر 2020 14:27

اسلام آباد (اُردو پوائنٹ اخبارتازہ ترین - اے پی پی۔ 04 ستمبر2020ء) چین کو پاکستانی برآمدات میں مالی سال کے پہلے ماہ کمی جبکہ درآمدات میں اضافہ ریکارڈکیاگیا۔ سٹیٹ بینک کے جاری اعدادوشمارکے مطابق جولائی 2020 ء میں چین کو 105.83 ملین ڈالرکی برآمدات کی گئیں جو گزشتہ سال جولائی کے مقابلے میں 57.88 فیصد کم ہے۔گزشتہ سال جولائی میں چین کو167.08 ملین ڈالرکی برآمدات ریکارڈکی گئی تھیں۔

(جاری ہے)

گزشتہ مالی سال میں چین کو پاکستان کی مجموعی برآمدات کا حجم 1.663 ارب ڈالرریکارڈکیاگیاتھا۔ مالی سال 2018-19ء میں چین کو پاکستان کی برآمدات کا حجم 1.858 ارب ڈالرتھا۔ اعدادوشمارکے مطابق جولائی 2020ء میں چین سے درآمدات کاحجم 1.101 ارب ڈالر ریکارڈکیاگیا۔ گزشتہ سال جولائی میں چین سے درآمدات کا حجم 822.86 ارب ڈالر ریکارڈکیا گیاتھا۔ گزشتہ مالی سال میں چین سے مجموعی درآمدات کا حجم 9.566 ارب ڈالرریکارڈکیا گیا۔ مالی سال 2018-19ء میں چین سے درآمدات کا حجم 10.164 ارب ڈالرریکارڈکیاگیاتھا۔