چین کی برآمدات میں اگست کے دوران 9.5 فیصد اضافہ، درآمدات کے حجم میں 2.1 فیصد کمی

پیر 7 ستمبر 2020 16:10

بیجنگ (اُردو پوائنٹ اخبارتازہ ترین - اے پی پی۔ 07 ستمبر2020ء) گذشتہ ماہ کے دوران چین کی برآمدات تخمینوں سے بھی تجاوز کر گئیں جبکہ درآمدات نسبتاً کم رہیں۔

(جاری ہے)

فرانسیسی خبر رساں ادارے کی رپورٹ کے مطابق دنیا بھر میں کورونا وائرس کی وبا کے باعث چین کی برآمدات میں کمی کا تخمینہ لگایا گیا تھا تاہم اس دوران چینی کمپنیوں کو بڑی تعداد میں طبی آلات و دیگر اشیاء کے آرڈر موصول ہوئے جس کے نتیجہ میں اگست کے دوران چین کی برآمدات کے حجم میں 9.5 فیصد اضافہ ہوا جبکہ بلومبرگ کی طرف سے اس ماہ کے دوران چینی برآمدات میں اضافے کا تخمینہ 7.5 لگایا گیا تھا ۔

چینی حکومت کی طرف سے جاری اعدادو شمار کے مطابق مئی کے بعد سے چین درآمدات میں مسلسل اضافہ ہو رہا ہے۔ اگست کے دوران درآمدات میں 0.5 فیصد اضافے کا تخمینہ لگایا گیا تھا تاہم اس ماہ کے دوران دوران درآمدات میں 2.1 فیصد کمی نوٹ کی گئی۔علاوہ ازیں امریکہ کے ساتھ چین کے فاضل تجارتی حجم میں ایک چوتھائی اضافہ دیکھا گیا۔