وزیراطلاعات سے ہاکی فیڈریشن کے سیکرٹری جنرل محمد آصف کی ملاقات ،

ہاکی میں بہتری کیلئے مختلف اقدامات پر غور کھیل کے زوال پذیر ہونے کے باجود بھی پاکستانی عوام کی دلچسپی برقرار ہے ، اور جلد ہی ہاکی کا کھویا ہوا مقام بھی واپس آجائے گا، وزیر اطلاعات

ہفتہ 12 ستمبر 2020 15:40

وزیراطلاعات سے ہاکی فیڈریشن کے سیکرٹری جنرل محمد آصف کی ملاقات ،

اسلام آباد (اُردو پوائنٹ اخبارتازہ ترین - این این آئی۔ 12 ستمبر2020ء) وفاقی وزیر اطلاعات شبلی فراز نے پاکستان ہاکی فیڈریشن کے سیکرٹری جنرل محمد آصف باجوہ سے ملاقات کی جس میں قومی کھیل ہاکی میں بہتری کیسے لائی جائے کے موضوع پر گفتگو کی گئی۔اس موقع پر شبلی فراز نے کہاکہ ہاکی پاکستان کا قومی کھیل ہے ہاکی ٹیم پاکستان کو بلندیوں کی طرف لے کر گئی ہے ، کھیل کے زوال پذیر ہونے کے باجود بھی پاکستانی عوام کی دلچسپی برقرار ہے ، اور جلد ہی ہاکی کا کھویا ہوا مقام بھی واپس آجائے گا، ہاکی کی رفتہ کو بحال کرنے کیلئے اپنی پوری کوششیں کرے گی ، قوم میں ہاکی کو مقبول بنانے کیلئے سکول سطح سے ہاکی کو فروغ دینے کا پلان مرتب کر رہے ہیں ، قومی کھیل کی بہتری کیلئے پاکستانی عوام اور کمرشل کمپنیز کو حکومت کا ساتھ دینا ہو گا۔

(جاری ہے)

پاکستان ہاکی فیڈریشن کے سیکرٹری محمد آصف باجوہ نے کہا کہ وزیر اطلاعات کی جانب سے ہاکی کی بہتری کیئے آواز اٹھانے پر شکریہ ادا کرتا ہوں۔ امید ہے وزیر اعظم عمران خان کی قیادت میں حکومت ہاکی میں کھویا ہوا مقام واپس لانے میں مدد گار ثابت ہوں گی۔ ہاکی کے سنہری دور کو واپس لانے کیلئے ہم سب کو محنت کرنا ہوگی ، کھیل کی بہتری کیلئے سینئر کھلاڑیوں کو بھی شامل کیا جائے گا۔ وزیر اعظم عمران خان بھی قومی کھیل کی بہتری کیلئے سنجیدہ ہیں، انشاء اللہ جلد ہی ہاکی کھویا ہوا مقام لوٹ آئے گا۔