اسلام آباد تھروبال ایسوسی ایشن نے قومی تھروبال چیمپئن شپ کے لئے کھلاڑیوں کا تربیتی کیمپ لگانے کی تیاریاں شروع کر دی

پیر 14 ستمبر 2020 12:58

اسلام آباد (اُردو پوائنٹ اخبارتازہ ترین - اے پی پی۔ 14 ستمبر2020ء) پاکستان تھروبال بال فیڈریشن کے زیراہتمام قومی تھروبال چیمپئن شپ کی تیاری کے لئے اسلام آباد تھروبال ایسوسی ایشن نے کھلاڑیوں کا تربیتی کیمپ لگانے کی تیاریاں شروع کردی ہیں۔

(جاری ہے)

گذشتہ روز اسلام آباد تھروبال ایسوسی ایشن کے سیکرٹری معین الدین نے سرکاری خبر رساں ادارے سے گفتگو کرتے ہوئے بتایا کہ پاکستان تھروبال فیڈریشن نے قومی تھروبال چیمپئن شپ رواں سال اپریل میں منعقد کروانی تھی لیکن کورونا وائرس کی وبا کے باعث یہ چیمپئن شپ منعقد نہ ہوسکی جس سے کھیلوں اور کھلاڑیوں کا بہت نقصان ہوا ہے اس لئے قومی تھروبال چیمپئن شپ شروع کرنے سے قبل کھلاڑیوں کو تربیت حاصل کرنے کا دو ماہ کا وقت دیا جائے گا اور اس سلسلہ میں تمام متعلقہ ایسوسی ایشنز کو بھی آگاہ کر دیا گیا ہے۔

اسلام آباد تھروبال ایسوسی ایشن جلد اپنے اجلاس میں کیمپ لگانے کی باقاعدہ تاریخ کا اعلان کرے گی۔