اٹلی کی بندرگاہ پر دھماکوں کے بعد آگ بھڑک اٹھی، گوداموں اور مال بردار گاڑیوں کو نقصان، کوئی جانی نقصان نہیں ہوا

بدھ 16 ستمبر 2020 15:48

روم (اُردو پوائنٹ اخبارتازہ ترین - اے پی پی۔ 16 ستمبر2020ء) اٹلی کے شہر انکونا کی بندرگاہ پر نامعلوم وجوہات کی بنا پر دھماکوں کے بعد آگ بھڑک اٹھی جس کے باعث گوداموں اور مال بردار گاڑیوں کو نقصان پہنچا تاہم کسی جانی نقصان کی اطلاعات موصول نہیں ہوئیں۔

(جاری ہے)

فرانسیسی خبر رساں ادارے کے مطابق آگ بجھانے والے ادارے نے بتایا کہ اڈریاٹک ساحل کی بندرگاہ پر منگل اور بدھ کی درمیانی شب اچانک دھماکوں کے بعد آتشزدگی کے باعث شہر کی فضا میں دھوئیں کے بادل پھیل گئے تاہم آگ پر قابو پالیا گیا ہے تاہم آگ کے باعث گوداموں اور مال بردار گاڑیوں کو نقصان پہنچا ہے۔

خدشہ ظاہر کیا جارہا ہے کہ متاثرہ گوداموں میں آتش گیر مواد سٹور کیا ہوا تھا کیونکہ اس علاقے مائع نائٹروجن تیار کرنے والی کمپنی، گیس اور بجلی سٹیشن واقع ہیں۔ واقعہ کے بعد تمام سکول، یونیورسٹی، پارک اور کھیلوں میدان عارضی طور بند کر دیئے گئے۔