ورزش کی وڈیو شیئر کرنے پر انصار عباسی کو تنقید کا سامنا ، کچھ نے حمایت بھی کی

صحافی نے ٹوئیٹر پر پی ٹی وی نیوز کی ایک وڈیو شیئر کی جس میں خاتون کو ورزش کرتے دیکھا گیا

ساجد علی منگل 22 ستمبر 2020 14:04

ورزش کی وڈیو شیئر کرنے پر انصار عباسی کو تنقید کا سامنا ، کچھ نے حمایت ..

اسلام آباد (اُردو پوائنٹ اخبارتازہ ترین۔ 22 ستمبر2020ء) معروف صحافی انصار عباسی کو پاکستان ٹیلی ویژن کی وڈیو شیئر کرنے پر شدید تنقید کا سامنا کرناپڑگیا ، سوشل میڈیا صارفین کی طرف سے تنقید کا سامنا کرنا پڑا، جبکہ کچھ صارفین کی طرف سے ان کی حمایت بھی کی گئی ۔ تفصیلات کے مطابق صحافی کی طرف سے سماجی رابطوں کی ویب سائٹ ٹوئیٹر پر پی ٹی وی نیوز کی ایک وڈیو شیئر کی گئی جس میں ایک خاتون کو ورزش کرتے ہوئے دیکھا جاسکتا ہے، جس کو ایک مرد کی طرف سے ہدایات بھی دی جارہی ہیں۔

انصار عباسی نے وڈیو کونا صرف شیئر کیا بلکہ انہوں نے وزیراعظم عمران خان،وزیر اطلاعات شبلی فراز اور وزیراعظم کے معاون خصوصی برائے اطلاعات عاصم باجوہ کو بھی ٹیگ کیا گیا،صحافی کی طرف سے وڈیو شیئر کیے جانے کو سوشل میڈیا صارفین نے شدید تنقید کا نشانہ بنایا۔

(جاری ہے)

ایک ٹوئیٹر صارف تراب علی شاہ نے لکھا کہ آپ کو شرم آنی چاہیئے، آپ کو افغانستان ہجرت کرلینی چاہیئے کیونکہ آپ کی ذہنیت وہاں کے طالبان سے ملتی ہے۔

❌ Twitter oEmbed API returned HTTP Code: 403
Response: {"error":"Sorry, you are not authorized to see this status.","request":"\/oembed?url=https%3A%2F%2Ftwitter.com%2Fturabshah5%2Fstatus%2F1308051763250049024"}

سندھ اسمبلی کی سابق رکن ارم عظیم فاروقی نے سوال اٹھایا کہ ورزش کیے جانے میں کیا چیز غلط ہے؟

What’s wrong in doing exercise ?
— Irum Azeem Farooque (@Irumf) September 21, 2020

ایک ٹوئیٹر صارف سید اسد بخاری نے لکھا کہ ہیلو سر! اس کو ورزش کہتے ہیں جو کہ آج کے دور میں بہت عام ہوچکی ہے، جس کو بہت سے انسان کرتے ہیں،مزید تفصیلات جاننے کیلئے ’گوگل‘ سے رجوع کریں۔

Hello Sir, this thing is called 'workout'. It's pretty common these days. Many human beings do that. Pls google to find out more details. No need to bother Prime Minister.
— Asad (@asad_tweets) September 22, 2020

دوسری طرف چند سوشل میڈیا صارفین نے انصار عباسی کی حمایت بھی کی ، جن میں سے ایک محمد ندیم اعوان نے لکھا کہ جب پاکستان کے قومی اور نجی ٹی وی چینلوں پر اس طرح کے بے حیائی پروگرام چلائے جائیں گے تو معاشرے میں ریپ کیسزبھی سامنے آئیں گے، ثابت ہوا کہ حکومتی سرپرستی میں منظم سازش کے تحت معاشرے کو تباہ کرنے کیلئے ایسے پروگرام چلائے جارہے ہیں۔

جب پاکستان کے نیشنل ٹی وی اور پرائویٹ ٹی وی چینلز پر اس طرح کے بےحیائی پروگرام چلائے جائیں گے تو معاشرے میں ریپ کیسز بھی سامنے آئیں گے،
ثابت ہوا کہ حکومتی سرپرستی میں ایک منظم سازش کے تحت معاشرے کو تباہ کرنے کے لیئے ایسے پروگرام چلائے جا رہے ہیں۔
— Muhammad Nadeem Awan (@M_Nadeem_Awan) September 21, 2020

عندلیب علی نے اپنے ٹوئٹ میں کہا کہ انصار عباسی کو یہ سب س لیے برا لگ رہا ہے کیونکہ وہ قرآن پڑھتے ہیں، اللہ اور اس کے رسول ﷺ کے احکامات جانتے ہیں، البتہ جو دین کا علم نہیں رکھتے اور ایسی برائی کے عادی ہیں وہ تنقید ہی کریں گے۔

انصار عباسی صاحب کو یہ اس لیئے برا لگ رہا ہے کہ وہ قرآن پڑھتے ہیں، اللہ و رسول صہ کے احکامات جانتے ہیں، منافق نہیں۔ البتہ جو دین کا علم نہیں رکھتے اور ایسی برائی کےعادی ہیں،وہ تنقید ہی کریں گے نا؟؟؟
— Andleeb Ali (@andlibAli6) September 21, 2020