پاکستان میں کورونا وائرس ویکسین کی آزمائش کے تیسرے مرحلے کا آغاز ہوگیا

آزمائشی مرحلے میں 8 سے 10 ہزار پاکستانی شریک ہوں گے،ٹیسٹ کے ابتدائی نتائج 4 سی6 ماہ میں متوقع ہیں، اسد عمر

منگل 22 ستمبر 2020 15:02

اسلام آباد(اُردو پوائنٹ اخبارتازہ ترین - این این آئی۔ 22 ستمبر2020ء) پاکستان میں کورونا وائرس ویکسین کی آزمائش کے تیسرے مرحلے کا آغاز ہوگیا ہے۔وفاقی وزیر منصوبہ بندی اور نیشنل کمانڈ اینڈ آپریشن سینٹر کے سربراہ اسد عمر نے اپنے ایک ٹوئٹ میں اعلان کیا کہ پاکستان میں کورونا وائرس کی ویکسین کی آزمائش کے تیسرے مرحلے کا آغاز ہوگیا ہے۔

(جاری ہے)

انہوں نے بتایا کہ کورونا ویکسین چینی کمپنی نے تیار کی ہے۔

آزمائشی مرحلے میں 8 سے 10 ہزار پاکستانی شریک ہوں گے۔ٹیسٹ کے ابتدائی نتائج 4 سی6 ماہ میں متوقع ہیں۔ویکسین ٹرائل میں 7 ممالک کے 40 ہزار افراد رضاکارانہ طور پر شریک ہورہے ہیں۔قبل ازیں این سی او سی نے بتایا تھا کہ پاکستان میں فیز 3 کلینیکل ٹرائلز کوویڈ 19 ویکسین کینسنینو کا آغازہوچکا ہے جب کہ ویکسین کی آزمائش کا پہلا اور دوسرا مرحلہ چین میں مکمل ہوا تھا۔