امریکا کے صدارتی انتخابات:مشی گن کے مسلمان ووٹر کس امیدوار کو ووٹ دیں گے؟
مسلمان رجسٹرڈ ووٹروں کی تعداد کسی بھی دوسری ریاست کے مقابلے مشی گن میں سب سے زیادہ ہے. رپورٹ
میاں محمد ندیم پیر 19 اکتوبر 2020 11:07
(جاری ہے)
گزشتہ صدارتی انتخابات میں صدر ڈونلڈ ٹرمپ نے اس ریاست میں 45 لاکھ ڈالے گئے ووٹوں میں سے دس ہزار کے فرق سے یہاں کامیابی حاصل کی تھی امریکی نشریاتی ادارے سے گفتگو کرتے ہوئے ریاست مشی گن کے رہائشی عرب النسل ڈاکٹر محمود الحدیدی نے کہا کہ ان کے لیے اس انتخاب میں ووٹ ڈالتے وقت جو بات سب سے مقدم ہو گی وہ ہے احترام ان انتخابات میں ایمان دارانہ سوچ، احترام اور مسلمانوں کے کردار کا اعتراف بہت اہمیت رکھتے ہیں. ڈاکٹر الحدیدی نے کہا کہ مسلم برادری یہ چاہتی ہے کہ اسے عظیم امریکی قوم کی ایک اکائی کی حیثیت سے تسلیم کیا جائے نہ کہ اسے کوئی اجنبی ثقافت سمجھا جائے امریکی مسلمان احترام پر مبنی سلوک چاہتے ہیں. الحدیدی نے 2016 کے الیکشن میں ہیلری کلنٹن کی حمایت کی تھی اور وہ ریاست کی ڈیموکریٹک گورنر گریچن ویٹمر کے 2018 کے انتخاب کے بھی حامی رہے لیکن 2020 کے الیکشن میں وہ پورے یقین سے نہیں کہہ سکتے کہ وہ صدر ٹرمپ کے مقابلے میں جو بائیڈن کی حمایت کریں گے یا نہیں. انہوں نے کہا کہ اس سے پہلے کہ وہ ذہنی طور پر کسی فیصلے پر پہنچیں وہ چاہیں گے کہ ان کے خدشات کے متعلق کچھ کیا جائے انہیں حکومت کے اسکریننگ ڈیٹا بیس پر تحفظات ہیں جس کے تحت ایک فہرست میں شامل مسلمانوں پر نظر رکھی جاتی ہے بہت سے امریکی مسلمان سمجھتے ہیں کہ یہ پروگرام برادری کے معصوم افراد کو نشانہ بناتاہے اس کے تحت ایک نو فلائی لسٹ بھی ہے جس میں ایسے افراد شامل ہیں جنہیں کمرشل پروازوں پر سفر کرنے کی اجازت نہیں ہے. الحدیدی کہتے ہیں کہ یقینا اس فہرست کو تبدیل کرناچاہیے اور ایسے افراد جنہیں غلط طور پر اس میں شامل کیا گیا ہے ان کا نام اس فہرست سے خارج کرنا چاہیے اور ایسا کرنا ایک جائز اور منصفانہ اقدام ہو گا. مشی گن کے ایک اور مسلمان اسامہ سبلانی جو کہ عرب امریکن نیوز نامی اخبار کے مدیر ہیں کہتے ہیں کہ لوگوں کو کوئی ایسی بات بتانا ہوگی جو ان میں انتخابات میں حصہ لینے کے حوالے سے گرمجوشی پیدا کرے ذاتی طور پر وہ کہتے ہیں کہ یہ کہنا کہ بائیڈن صدر ٹرمپ سے مختلف ہیں ان کے لیے کوئی ٹھوس وجہ نہیں کہ وہ جائیں اور محض اسی بنا پر اپنے ووٹ کا حق استعمال کریں. ان کا کہنا ہے کہ مسلم برادری کے کچھ لوگ اس بات پر یقین رکھ سکتے ہیں کہ صدر ٹرمپ معاشی ترقی اور کاروبار کے حوالے سے اچھے ہیں اور وہ اس بنیاد پر صدر کو ووٹ بھی دے سکتے ہیں لیکن عرب امریکی لوگوں کی اکثریت ڈیموکریٹک امیدوار بائیڈن سے کوئی ایسا وعدہ سننا چاہتے ہیں جو انہیں الیکشن میں حصہ لینے کی طرف راغب کرے کیوں کہ بعض افراد کو گلہ ہے کہ اوباما اور بائیڈن کی گزشتہ انتظامیہ کے دور میں مسلمانوں سے امتیازی سلوک روا رکھا گیا تھا. اسامہ کہتے ہیں کہ دہشت گردوں سے متعلق فہرست صدر بش کے دور میں شروع کی گئی تب سے اس میں اضافہ کیا جاتا رہا ہے اور اب یہ مسلم برادری کے لیے پہلے سے کہیں زیادہ تکلیف دہ بن گئی ہے سبلانی نے یہ بھی کہاکہ ٹرمپ انتظامیہ کی طرف سے بعض مسلم ممالک کے مسافروں کی امریکہ آنے پر عائد کردہ پابندی سے امریکی مسلمان نالاں ہیں بائیڈن نے وعدہ کیا ہے کہ وہ اس پابندی کو ختم کر دیں گے. انہوں نے کہا کہ عرب مسلمان صدر ٹرمپ کی جانب سے مشرقِ وسطیٰ میں امن کے قیام اور امریکی افواج کی خطے میں کمی کی کوششوں کوسراہتے ہیں ان کا کہنا ہے کہ وہ ٹرمپ انتظامیہ سے مسائل پر بات کرنا چاہتے ہیں اور عرب لوگوں کے لیے یہ بات بہت اہم ہے کہ صدر ٹرمپ جنگ کے حامی نہیں ہیں. سبلانی کہتے ہیں کہ امریکی مسلمانوں میں کسی ایک امیدوار کا اس الیکشن میں چناﺅ کوئی آسان کام نہیں ہے تقریباً 50 سے60 فی صد مسلمان بائیڈن کی مہم کے لیے ولولہ نہیں رکھتے جبکہ وہ صدر ٹرمپ کی مہم سے بھی ناخوش ہیں . ان خیالات کے برعکس مسلم برادری کے دوسرے لوگ حالات کو مختلف دیکھتے ہیںڈاکٹر عبدل ال سید جو کہ ڈیٹرائٹ کے شعبہ صحت کے ایگزیکیٹو ڈائریکٹر رہ چکے ہیں کہتے ہیں کہ وہ اپنی برادری پر زور دہے رہے ہیں کہ سیاسی طور پر متحرک رہنے کے لیے ووٹ کا حق استعمال کریںان کا کہنا ہے کہ جوں جوں امریکی مسلمانوں کا الیکشن میں ووٹ ڈالنے کا تناسب بڑھے گا یہ سیاست دانوں کو مجبور کر ے گا کہ وہ ووٹ کی خاطر آپ کی طرف رخ کریں گے اور یہ ووٹ فتح اور ناکامی میں فرق بن سکتے ہیں. انسٹی ٹیوٹ فار سوشل پالیسی اینڈ انڈرسٹینڈنگ' کے ایک حالیہ سروے کے مطابق 78 فی صد امریکی مسلمان ووٹر رجسٹرد ہیں اس تناسب میں 2016 سے اب تک 18 فی صد کا اضافہ ہوا ہے ماضی کے سروے ظاہر کرتے ہیں کہ امریکی مسلمان ری پبلکن امیدواروں کے مقابلے میں ڈیموکریٹک امیدواروں کی حمایت کی طرف مائل رہے ہیں. دوسری طرف الحدیدی کہتے ہیں کہ تعلیم یافتہ مسلمان الیکشن کا بے تابی سے انتظار کر رہے ہیں ان کے پاس انتخابات میں حصہ لینے کے محرکات بھی ہیں اور اس کے نتائج پر بھی اثرات مرتب ہوں گے بہت سے لوگ آزاد سوچ رکھنے والے اور کھلے ذہن کے ووٹر ہیں انہوں نے کہا کہ تمام مسلمان یکساں سوچ نہیں رکھتے ہم اتنے ہی کثیر الخیال ہیں جتنی امریکہ میں بسنے والی دوسری برادریاں ہیں.
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.