موبائل ایپلیکیشن کی مدد سے خصوصی افراد کو تعلیمی ، بحالی اور تکنیکی مہارت کے نظامیں شامل کر نے میں مدد ملے گی ،شیریں مزاری

اسلام آباد اور دور دراز علاقوں میں رہنے والے خصوصی افراد اور اٴْن کے اہل خانہ کو آن لائن داخلوں کی سہولت میسر آجائے گی ، وفاقی وزیر

جمعرات 22 اکتوبر 2020 17:53

موبائل ایپلیکیشن کی مدد سے خصوصی افراد کو تعلیمی ، بحالی اور تکنیکی ..

اسلام آباد (اُردو پوائنٹ اخبارتازہ ترین - این این آئی۔ 22 اکتوبر2020ء) وفاقی وزیر برائے انسانی حقوق ڈاکٹر شیریں ایم مزاری نے کہا ہے کہ موبائل ایپلی کیشن برائے خصوصی افراد کی مدد سے اسلام آباد اور اِس کے مضافاتی علاقوں میں بسنے والے 30 ہزار سے زائد خصوصی افراد کو تعلیمی، بحالی اور تکنیکی مہارت کے نظام میں شامل کرنے میں مدد ملے گی اِن خیالات کا اظہار انھوں نے موبال ایپلیکیشن برائے خصوصی افراد کی افتتاحی تقریب سے خطاب کرتے ہوئے کیا جو وزارتِ انسانی حقوق میں منعقد کی گئی۔

تقریب سے خطاب کرتے ہوئے انھوں نے کہا کہ اس ایپ کی مدد سے خصوصی افراد کو ڈائریکٹوریٹ جنرل آف سپیشل ایجوکیشن کے اداروں میں فراہم کی جانے والی فزیو تھراپی، سپیچ تھراپی، اآکو پیشنل تھراپی، میڈیکل سہولیات اور مصنوعی اعضا کی فراہمی جیسی ہمہ جہت سہولیات سے متعلق معلومات فراہم ہونگی۔

(جاری ہے)

اِس موبائل ایپلیکیشن کی مدد سے خصوصی افراد کو ڈائریکٹوریٹ جنرل آف سپیشل ایجوکیشن کے اداروں میں فراہم کی جانے والی تعلیمی، تربیتی اور بحالی کی سہولیات کے بارے میں آگاہی حاصل ہو گی اور اسلام آباد اور دور دراز علاقوں میں رہنے والے خصوصی افراد اور اٴْن کے اہل خانہ کو آن لائن داخلوں کی سہولت میسر آجائے گی جس سے وہ باآسانی اپنی سہولت کے مطابق کوئی بھی سکول یا تربیتی ادارہ منتخب کر سکیں گے۔

یہ ایپلیکیشن باآسانی سمارٹ فون پر انسٹال کی جا سکتی ہے۔ اس میں ڈائریکٹوریٹ جنرل آف سپیشل ایجوکیشن کے تمام ذیلی اداروں کے بارے میں بنیادی معلومات کو شامل کیا گیا ہے۔ اس کے ساتھ ساتھ اس میں ڈاون لوڈ اور آن لائن درخواست کے سٹیٹس کو بھی دیکھا جا سکتا ہے۔ تقریب سے خطاب کرتے ہوئے شیخ اظہر سجاد، ڈائریکٹر جنرل سپیشل ایجوکیشن نے کہا کہ یہ موبائل ایپلیکیشن ڈائریکٹوریٹ جنرل آف سپیشل ایجوکیشن نے نیشنل انفارمیشن ٹیکنالوجی بورڈ کے تکنیکی تعاون سے تیار کی گئی ہے۔

انھوں نے کہا کہ ہمارا ادارہ خصوصی افراد کواشتراکی تعلیم، تیکنیکی تعلیم اور بحا لی کی بلا امتیازسہولیات فراہم کر رہا ہے انھوں نے امید ظاہر کی کہ یہ موبائل ایپلیکیشن خصوصی افراد، اٴْن کے والدین اور اہلِ خانہ کے لیے انتہائی کارآمد ثابت ہو گی۔ تقریب میں وزارتِ انسانی اور انفارمیشن ٹیکنالوجی بورڈ کے سینئر افسران نے شرکت کی۔ مہمانِ خصوصی نیموبائل ایپلیکیشن کے ایڈمنسٹریٹرز، ڈیزائنرز اور ڈیویلپرز میں تعریفی اسناد تقسیم کیں۔