خادم رضوی کا وزیراعظم سے 12 ربیع الاول کو فرانس کے خلاف جہاد کا اعلان کرنے کا مطالبہ

لاہور(اُردو پوائنٹ اخبارتازہ ترین۔ 28 اکتوبر2020ء) فرانسیسی صدر کے اسلام مخالف بیانات پر دنیا بھر میں مسلمانوں میں شدید غم و غصہ پایا جا رہا ہے۔مسلم ممالک کے سربراہان کی جانب سے ایمانویل میکرون کے بیانات کی شدید الفاظ میں مذمت کی گئی۔تحریک لبیک کے سربراہ مولانا خادم رضوی نے بھی فرانس میں توہین آمیز خاکوں کے خلاف شدید ردعمل دیا ہے۔ان کا کہنا ہے کہ جب پہلی باز حضور پاک ﷺ کے خاکے بنے تو ایک شخص نے کھمبے پر چڑھ کر چھلانگ لگا دی اور کہا کہ کم از کم میں حضور پاک کے سامنے یہ شرمندگی تو لے کر نہیں جاؤں گا کہ آپ کے خاکے بنتے رہے اور میں بیٹھا رہا۔

خادم رضوی نے مزید کہا کہ ہم سب کو حکومت اور مسلم ممالک کو مجبور کرنا چاہئیے کہ وہ فرانس کے خلاف اعلان جنگ کریں۔اسلام کی خاطر سب کو تیر کھانے چاہئیے۔

(جاری ہے)

12 ربیع الاول کو پورا لاہور میلاد کی خوشی میں نکل آئے،فرانس کو بتانا چاہئیے کہ اگر آپ حضور پاک کے خاکے بنا رہے ہو تو ہم بھی تیار ہیں۔مولانا خادم رضوی نے مزید کہا کہ فرانس مسلمانوں کو چینلج کر رہا ہے۔

بتایا جائے کہ ایٹم بم کس وقت کے لیے رکھے ہوئے ہیں۔اب وقت آ گیا ہے کہ اٹیم بم باہر نکالا جائے اور جہاد کیا جائے،نبی ﷺ کی خاطر ہم سب کو مر جانا چاہئیے، کم از کم قیامت والے دن حضور پاک ﷺ کے سامنے شرمندگی تو نہیں ہو گی، انہوں نے مزید کہا کہ 12 ربیع الاول کو صدر و وزیراعظم کے بیانات آئیں گے کہ اسلام امن کا درس دیتا ہے۔لیکن انہیں یہ بھی اعلان کرنا چاہئیے کہ اسلام رسول پاک کی شان میں گستاخی  کے خلاف جہاد کا حکم دیتا ہے۔

تحریک لبیک کے سربراہ مولانا خادم رضوی کی یہ ویڈیو سوشل میڈیا پر بھی وائرل ہو رہی ہے جس میں وہ حکومت سے مطالبہ کرتے ہیں کہ 12 ربیع الاول کو فرانس کے خلاف جہاد کا اعلان کیا جائے۔۔جب کہ تحریک لبیک پاکستان کے صوبائی امیر علامہ ڈاکٹرمحمد شفیق امینی نے فرانس میں گستاخانہ خاکے دیواروں پر لگائے جانے اور فرانسیسی صدر کو اسلام مخالف بیان دینے پر شدید تنقید کا نشانہ بناتے ہوئے کہا ہے کہ فرانس کے صدر ایمانویل میکرون نے اسلام مخالف بیان دے کر پاکستان اور یورپ سمیت دنیا بھر کے مسلمانوں کے جذبات کو ٹھیس پہنچائی ہے اور تحریک لبیک گستاخانہ خاکوں کی شدید الفاظ میں مذمت کرتے ہوئے حکومت پاکستان سے مطالبہ کرتی ہے کہ فرانس کے سفیر کو فوری طور پر ملک بدر کیا جائے جبکہ فرانس سے پاکستانی سفیر کو وطن واپس بلایا جائے بصور ت دیگر تحریک لبیک ایک مرتبہ پھر میدان میں نکلنے کو تیار ہے ۔