ْ ملک بھر کی طرح میرپورخاص میں بھی جشن عید میلادالنبیؐ نہایت عقیدت اور احترام سے منایا گیا

ہفتہ 31 اکتوبر 2020 16:58

میرپورخاص(اُردو پوائنٹ اخبارتازہ ترین - این این آئی۔ 31 اکتوبر2020ء) ملک بھر کی طرح میرپورخاص میں بھی جشن عید میلادالنبیؐنہایت عقیدت اور احترام سے منایا گیا۔

(جاری ہے)

اس موقع پر ایم کیو ایم پاکستان میرپورخاص ڈسٹرکٹ کے تحت مکہ مسجد چوک،چاندنی چوک،پوسٹ آفس چوک اور مہاجر کالونی چوک پر استقبالیہ کیمپس قائم کئے گئے جبکہ ہیر آباد میں مرکزی استقبالیہ کیمپ قائم کیا گیا جہاں نگراں ڈسٹرکٹ انچارج خوشی محمد مغل، جوائنٹ ڈسٹرکٹ انچارجز و اراکین ڈسٹرکٹ کمیٹی، یوسیز کے ذمہ داران و کارکنان، اے پی ایم ایس او، لیگل ایڈ کمیٹی، میڈیکل ایڈ کمیٹی اور ایلڈرز ونگ سمیت دیگر شعبہ جات کے ذمہ داران و کارکنان نے عاشقان رسول صلی اللہ علیہ وسلّم کے جلوسوں پر گل پاشی کرکے ان کا پرتپاک استقبال کیا اور شرکاء کو ہار پہنائے۔

اس موقع پر جلوسوں کے شرکاء میں لنگر اور مٹھائیاں بھی تقسیم کیا گیا۔