انڈوینشی پولیس نے نایاب طوطوں کی یورپ اسمگلنگ کی کوشش ناکام بنادی

قبضے میں لیے گئے طوطوں میں آسٹریلین نسل کے بلیک کیپ قیمتی طوطے شامل ہیں،پولیس حکام

ہفتہ 21 نومبر 2020 16:24

جکارتہ(اُردو پوائنٹ اخبارتازہ ترین - این این آئی۔ 21 نومبر2020ء) پولیس نے بوتلوں میں بند کرکے نایاب طوطوں کی اسمگلنگ کی کوشش ناکام بنادی۔برطانوی نشریاتی ادارے کے مطابق انڈونیشن پولیس نے پلاسٹک کی بوتلوں میں بند طوطوں کی اسمگلنگ کی کوشش ناکام بناتے ہوئے 64 زندہ طوطے برآمد کرلیے جب کہ بوتلوں میں بند 10 طوطے مردہ حالت میں پائے گئے۔پولیس کے مطابق شپ کریو نے ایک باکس سے پرندوں کے شور کی آواز سننے پر باکس کو کھولا تو اس میں سے درجنوں طوطے برآمد ہوئے۔

میڈیا رپورٹس کے مطابق ان طوطوں کو اندرون ملک کی مارکیٹ یا یورپ اسمگل کیا جاتا ہے۔پولیس کے مطابق جہاز کے کریو نے بتایا کہ انہیں ایک باکس کے اندر عجیب و غریب آوازیں سنن کے بعد کچھ شک ہوا اور یہ آوازیں پرندوں کی طرح تھیں جس پر باکس کو کھولا گیا تو طوطوں کو پلاسٹک کی بوتلوں میں بند کیا گیا تھا جس میں وہ پھنسے ہوئے تھے۔

(جاری ہے)

پولیس کا کہنا تھاکہ اس سلسلے میں فوری طور پر کوئی گرفتاری عمل میں نہیں آئی ہے۔

پولیس حکام کے مطابق قبضے میں لیے گئے طوطوں میں آسٹریلین نسل کے بلیک کیپ قیمتی طوطے شامل ہیں۔میڈیا رپورٹس کے مطابق انڈونیشیا میں اس طرح طوطوں کی اسمگلنگ پکڑے جانے کا یہ پہلا واقعہ نہیں، اس سے قبل 2015 میں بھی ایک شخص قیمتی پرندے بوتلوں میں بند کرکے اسمگل کرتے ہوئے پکڑا گیا تھا۔