Live Updates

کورونا ویکسین کوجرائم پیشہ گروہ نقصان پہنچا سکتا ہے

کووڈ 19 ویکسین پر نظر رکھنے والے جرائم پیشہ گروہوں سے ہوشیار رہیں جو اس ویکسین کو آن لائن بھی نشانہ بنا سکتے ہیں، انٹرپول نے وارننگ جاری کردی

Shehryar Abbasi شہریار عباسی جمعرات دسمبر 01:18

کورونا ویکسین کوجرائم پیشہ گروہ نقصان پہنچا سکتا ہے
لاہور (اُردو پوائنٹ اخبارتازہ ترین۔ 02 دسمبر2020ء) انٹرنیشنل پولیس نے وارننگ جاری کی ہے کہ کورونا ویکسین کوجرائم پیشہ گروہ نقصان پہنچا سکتا ہے ۔ تفصیلات کے مطابق انٹرپول نے دنیا کو متنبہ کیا ہے کہ منظم گروہ کووڈ -19 کی ویکسین کو ہدف بنا سکتے ہیں تا کہ اس کی طرز پر جعلی ویکسین فروخت کر سکیں۔

(جاری ہے)

انٹرپول نے دنیا بھر میں اپنے 194 رکن ملکوں کو گلوبل الرٹ جاری کیا ہے اور ان سے کہا ہے کہ وہ کووڈ 19 ویکسین پر نظر رکھنے والے جرائم پیشہ گروہوں سے ہوشیار رہیں جو اس ویکسین کو آن لائن بھی نشانہ بنا سکتے ہیں ۔

انٹرپول کے مطابق جرائم پیشہ گروہ کورونا ویکسین کی سپلائی کے نظام میں مداخلت کر سکتے ہیں اور عوام کو جعلی ویب سائٹ اور جعلی ادویات کے ذریعے دھوکا دے سکتے ہیں۔ واضح رہے کہ کئی ممالک کی جانب سے کورونا ویکسین بنائے جانے کا دعویٰ کیا گیا ہے ، اور امریکی کمپنی فائزر نے ویکسین کو 100 فیصد تک پر اثر قرار دیا ہے۔ انٹرپول نے ان تمام ممالک کو وارننگ دی ہے کہ وہ جرائم پیشہ گروہ سے ویکسین کو بچانے کے لیے احتیاطی تدابیر اختیار کریں ۔
کرونا وائرس کی دوسری لہر سے متعلق تازہ ترین معلومات