چین چاند پر پرچم لگانے والا دوسرا ملک بن گیا

چینی پرچم کو چاند کی سطح پر ساکن کھڑا دیکھا جاسکتا ہے کیوں کہ وہاں ہوا موجود نہیں اس لیے پرچم لہرا نہیں سکتا، چینی خلائی ادارے نے تصاویر جاری کردیں

Shehryar Abbasi شہریار عباسی جمعہ دسمبر 23:25

چین چاند پر پرچم لگانے والا دوسرا ملک بن گیا
بیجنگ (اُردو پوائنٹ اخبارتازہ ترین۔ 04 دسمبر2020ء) امریکہ کے بعد چین نے بی چاند پر جھنڈا لگا دیا ہے۔ تفصیلات کے مطابق چین کے نیشنل اسپیس ایڈمنسٹریشن کی جانب سے کچھ تصاویر جاری کی گئی ہیں جن میں چینی پرچم کو چاند کی سطح پر ساکن کھڑا دیکھا جاسکتا ہے، چونکہ وہاں ہوا موجود نہیں اس لیے پرچم لہرا نہیں سکتا۔

(جاری ہے)

نیشنل اسپیس ایڈمنسٹریشن کی جانب سے جاری یہ تصویر چین کے غیر انسانی چاند مشن 'چینج 5' خلائی جہاز سے لی گئی ہے جسے چاند کی سطح سے چٹانوں کے نمونے لانے کیلئے بھیجا گیا تھا۔

جمعرات کو خلائی جہاز نے زمین پر واپسی سے قبل یہ تصویر لی۔ اس سے قبل بھی دو بار چاند پر جانے والے چینی مشنز میں چینی جھنڈا موجود تھا تاہم وہ چاند کی سطح پر نصب نہیں کیا گیا تھا بلکہ خلائی جہاز اور تحقیقاتی مشن میں استعمال ہونے والی گاڑی کی باڈی میں ہی کندہ تھا۔ چین چاند جھنڈا لگانے والا دنیا کا دوسرا ملک بن گیا۔ اس سے قبل امریکا نے تقریباً 50 سے زائد برس قبل چاند پر پرچم لگایا تھا اور وہ ایسا کرنا والا دنیا کا پہلا ملک تھا۔

متعلقہ عنوان :