ڈسکہ انتخاب میں الیکشن کمیشن نے حق کا ساتھ دیا، شاہد خاقان عباسی

مسلم لیگ (ن) اور 11 بڑی جماعتیں ایک بات پر متفق ہیں، ملک کا مستقبل صرف آئین پر چل کر ہے، بیان

جمعرات 25 فروری 2021 23:54

ڈسکہ انتخاب میں الیکشن کمیشن نے حق کا ساتھ دیا، شاہد خاقان عباسی

اسلام آباد (اُردو پوائنٹ اخبارتازہ ترین - این این آئی۔ 25 فروری2021ء) سابق وزیراعظم اور پاکستان مسلم لیگ (ن) کے سینئر نائب صدر شاہد خاقان عباسی نے کہا ہے کہ الیکشن کمیشن آف پاکستان (ای سی پی) نے ڈسکہ کے ضمنی انتخاب میں حق کا ساتھ دیا ہے۔اپنے بیان میں لیگی رہنما نے کہا کہ آج جمہوریت کے لیے ایک بڑی فتح ہے۔انھوں نے کہا کہ مسلم لیگ (ن) اور 11 بڑی جماعتیں ایک بات پر متفق ہیں، ملک کا مستقبل صرف آئین پر چل کر ہے۔

(جاری ہے)

سابق وزیراعظم کا کہنا تھا کہ یہ مسلم لیگ ن اور پی ڈی ایم کا بیانیہ ہے، تاریخ نے واضح کردیا کہ ترقی صرف جمہوری نظام سے ہے۔شاہد خاقان عباسی نے کہا کہ یہ 22 کروڑ آبادی کا ملک ہے، یہ تجربے پر نہیں چل سکتا۔ آئین میں ترمیم کا حق عوام کے نمائندوں کے پاس ہے۔انھوں نے یہ بھی کہا کہ ملک میں ہر نظام دباؤ میں ہے، عدل کا نظام دیکھ لیں۔ان کا کہنا تھا کہ ڈسکہ انتخاب میں الیکشن کمیشن نے حق کا ساتھ دیا اور 18 مارچ کو دوبارہ الیکشن کا کہا۔شاہد خاقان عباسی کا کہنا تھا کہ آج پاکستان کو سب سے بڑا خطرہ اٹھارویں ترمیم کو واپس کرنے کا ہے۔