ایجوکیشن اتھارٹی کی جانب سے سرکاری سکولوں کی مانیٹرنگ کو مزید موثر بنانے کا فیصلہ

سرکاری سکولوں میں جدید کیمرے لگائے جائینگے ، اساتذہ اور بچوں کی سکیننگ کیساتھ آن لائن حاضری لگائی جائیگی

ہفتہ 24 اپریل 2021 20:14

لاہور (اُردو پوائنٹ اخبارتازہ ترین - آن لائن۔ 24 اپریل2021ء) سرکاری سکولوں میں کروڑوں روپے کی لاگت سے جدید کیمرے نصب کرنے کا فیصلہ کر لیا گیا، اساتذہ اور بچوں کی سکیننگ کے ساتھ آن لائن حاضری بھی لگائی جائے گی۔

(جاری ہے)

ایجوکیشن اتھارٹی کی جانب سے سرکاری سکولوں کی مانیٹرنگ کو مزید موثر بنانے کا فیصلہ کیا گیا ہے جس کے تحت سرکاری سکولوں میں کروڑوں روپے کی لاگت سے جدید کیمرے نصب کیے جائیں گے، پہلے مرحلے میں پائلٹ پراجیکٹ کے طور پر شہر کے 2 سکولوں گورنمنٹ اے پی ایس بوائز اینڈ گرلز سکول ماڈل ٹائون میں کیمرے نصب ہوں گے ، کیمروں کا کنٹرول پنجاب انفارمیشن ٹیکنالوجی بورڈ کے پاس ہوگا۔

ایجوکیشن اتھارٹی لاہور کے مطابق سکولوں میں چوری کی واردات کی روک تھام کیلئے بھی جدید کیمروں سے مدد لی جائے گی، کیمروں کے نصاب سے حاضری لگانے میں بھی اساتذہ کا وقت ضائع نہیں ہوگا۔