ہمارا مشن اوورسیز پاکستانیوں کے حقوق کا تحفظ اورتمام شعبہ ہائے زندگی میں انکی فلاح وترقی کیلئے کام کرنا ہے ۔ طارق جاوید گوندل صدر اوورسیز فورم فرانس

اکستان اوورسیز فورم منڈی بہاؤالدین کا مقصداپنے اوورسیز پاکستانی بھائیوں کو عدالتی، دفتری اور معاشرتی مسائل میں مفت قانونی معاونت فراہم کرنا ہے ، ہمارا مشن اوورسیز پاکستانیوں کے حقوق کا تحفظ اورتمام شعبہ ہائے زندگی میں انکی فلاح وترقی کیلئے کام کرنا اور اوورسیز پاکستانیوں اور عام عوام کو معاشرے میں انصاف کی فراہمی، امن کی بحالی اور ان کی فلاح کیلئے کام کرنا شامل ہے

صاحبزادہ عتیق الر حمن منگل 11 مئی 2021 13:45

ہمارا مشن اوورسیز پاکستانیوں کے حقوق کا تحفظ اورتمام شعبہ ہائے زندگی ..

پیرس (اُردو پوائنٹ اخبارتازہ ترین۔ 11 مئی 2021ء،نمائندہ خصوصی،صاحبزادہ عتیق) پاکستان اوورسیز فورم منڈی بہاؤالدین کا مقصداپنے اوورسیز پاکستانی بھائیوں کو عدالتی، دفتری اور معاشرتی مسائل میں مفت قانونی معاونت فراہم کرنا ہے ، ہمارا مشن اوورسیز پاکستانیوں کے حقوق کا تحفظ اورتمام شعبہ ہائے زندگی میں انکی فلاح وترقی کیلئے کام کرنا اور اوورسیز پاکستانیوں اور عام عوام کو معاشرے میں انصاف کی فراہمی، امن کی بحالی اور ان کی فلاح کیلئے کام کرنا شامل ہے۔

ان خیالات کا اظہار فورم کے صدر طارق جاوید گوندل نے تنظیمی اجلاس میں عہدیداروں سے کیا۔

گزشتہ روز اوورسیز فورم (منڈی بہاؤالدین )فرانس کے عہدیداران کا تنظیمی اجلاس زیر صدارت طارق جاوید گوندل منعقد ہوا، اجلاس کا باقاعدہ آغاز تلاوت کلام پاک سے ہوا جس کی سعادت مظہر قیوم گوندل نے حاصل کی ۔

(جاری ہے)

کرونا وائرس لاک ڈاؤن کی وجہ سے کچھ عہدیداران نے اجلاس میں آن لائن شرکت کی ، اجلاس میں تنظیمی امور زیربحث لائے گے ، اس موقع پر صدرپاکستان اوورسیز فورم (منڈی بہاؤالدین) فرانس طارق جاوید گوندل نے بریفنگ دیتے ہوئےکہا کہ فورم نے گذشتہ سال میں ضلع بھر میں مختلف علاقوں میں سماجی و فلاحی کاموں کا بیڑہ اٹھایا اور سینکڑوں ضرورت مندوں کو روزگار، مفت تعلیم، علاج معالجہ سمیت دیگر سہولیات فراہم کیں۔

طارق جاوید گوندل نے مرکزی چیئرمین اوورسیز فورم منڈی بہاؤالدین شاہدرضارانجھا کا خصوصی شکریہ ادا کرتے ہوئے کہاکہ انہوں نے منڈی بہاؤالدین میں اوورسیز فورم کی بنیاد رکھ کر ایک تاریخ رقم کی جو کہ ان کی منڈی بہاؤالدین کی عوام سے محبتوں کا ثبوت ہے ان کی یہ خدمات تادیر یاد رکھی جائیگی ، طارق جاوید گوندل نے بتایا کہ اوورسیز فورم کےزیر اہتمام بےروزگار اسکیم کےتحت قرعہ اندازی میں نکلنے والے لوڈر رکشے، آٹو رکشوں کی تقسیم عیدالفطرکے بعد ہوگی ،

پاکستان میں کرونا کی بگڑتی ہوئی صورتحال کے پیش نظر انتظامیہ و چیئرمین فورم شاہدرضارانجھا سمیت ایڈوائزری کمیٹی کی مشاورت کےبعد فیصلہ ہوا ہےکہ عیدالفطرکے بعد رکشوں کی تقسیم کرنے کی تقریب کی تاریخ مقرر کی جائے گی اجلاس میں مظہر قیوم گوندل، رضوان سہیل گوندل، سلطان محمود، رضوان بہادر گوندل، عثمان رانجھا، غضنفر جاوید گوندل جھولانہ، فضل شہزاد گوندل جھولانہ، تسکین حیدر گوندل ،چوہدری سوئین ارشد کرڑ، داؤد طارق گوندل سمیت عہدیداران و ممبران نے شرکت کی۔