فلم کی ریلیز سے ایک دن قبل گھبراہٹ محسوس کررہی ہوں،دیشا پٹانی

بدھ 12 مئی 2021 17:40

ممبئی (اُردو پوائنٹ اخبارتازہ ترین - آن لائن۔ 12 مئی2021ء) بالی ووڈ اداکارہ دیشا پٹانی نے کہا ہے کہ فلم کی ریلیز سے ایک دن قبل پرجوش بھی ہوں اور گھبراہٹ بھی محسوس کررہی ہوں۔فلم ’رادھے‘ میں بڑے اداکاروں کے ساتھ کام کرنے کے سوال کے جواب میں دیشا پٹانی نے کہا کہ سلمان خان،رندیپ ہودا اور جیکی شروف لیجنڈ اداکار ہیں،ان کیساتھ کام کرنے میں مزہ آیا۔

شوٹنگ کے ہر دن ان تمام لوگوں سے سیکھنے کا موقع ملا۔

(جاری ہے)

میں نے بھارت کے بڑے اداکاروں کے ساتھ کام کیا اس سے زیادہ اور کیا چاہیے۔دیشا پٹانی نے مزید کہا کہ سلمان خان کا الگ ہی اسٹائل ہے، انکی موجودگی بہت بڑی چیز ہے،وہ جب ڈانس کرتے ہیں تو لوگ کسی اور کو نہیں دیکھتے۔دیشا پٹانی کا کہنا ہے کہ فلم دیکھنے والوں کا ردعمل جاننے کے لئے پرجوش ہوں اور امید کرتی ہوں کہ ’رادھے‘ لوگوں کو پسند آئے گی۔واضح رہے کہ سلمان خان کی فلم ’رادھے‘ کل سنیما گھروں اور دیجیٹل پلیٹ فارم پر ریلیز ہورہی ہے۔سلمان خان نے فلم کی آمدنی سے حاصل ہونے والی رقم سے کورونا متاثرین کی مدد کرنے کا فیصلہ بھی کیا ہے۔