بہنوئی کی دوستوں کے ساتھ ملکر سالی سے مبینہ اجتماعی زیادتی

پانچ افراد کیخلاف مقدمہ درج، ایک ملزم کو گرفتار کرلیا گیا

ہفتہ 19 جون 2021 14:36

بہنوئی کی دوستوں کے ساتھ ملکر سالی سے مبینہ اجتماعی زیادتی

سانگھڑ (اُردو پوائنٹ اخبارتازہ ترین - این این آئی۔ 19 جون2021ء) سانگھڑ میں مبینہ طورپر بہنوئی نے دوستوں کے ساتھ مل کر سالی کو اجتماعی زیادتی کا نشانہ بنایا۔پولیس کے مطابق سانگھڑ کے علاقے ٹنڈوآدم میں مبینہ طورپرلڑکی سے اجتماعی زیادتی کی گئی جس میں بہنوئی نے ساتھیوں کے ساتھ مل کر سالی کو زیادتی کا نشانہ بنایا۔

(جاری ہے)

پولیس کا کہناہے کہ متاثرہ لڑکی کی شکایت پر اس کے بہنوئی سمیت 5 افرادکے خلاف مقدمہ درج کرلیا جب کہ مقدمے میں نامزد ایک ملزم کو گرفتار بھی کرلیا گیا ہے اور دیگر کی تلاش جاری ہے۔

پولیس کے مطابق لڑکی نے بیان میں بتایا کہ اس کے والدین نہیں ہیں اور وہ بہن کے ساتھ رہتی ہے جہاں بہنوئی نے دوستوں کے ساتھ مل کر زیادتی کی۔پولیس کا کہنا ہے کہ لڑکی کی شکایت پر اس کا میڈیکل کرایا جارہا ہے جس کے بعد زیادتی کی تصدیق کی جاسکے گی۔