آسٹریلیا کرکٹ ٹیم کے دورہ پاکستان میں اضافی ٹیسٹ میچ کھیلنے کے لیے پاکستان کرکٹ بورڈ آسٹریلیا کے جواب کا منتظر

جمعہ 23 جولائی 2021 19:40

لاہور (اُردو پوائنٹ اخبارتازہ ترین - این این آئی۔ 23 جولائی2021ء) آسٹریلیا کرکٹ ٹیم کے دورہ پاکستان میں اضافی ٹیسٹ میچ کھیلنے کے لیے پاکستان کرکٹ بورڈ آسٹریلیا کے جواب کا منتظر ہے۔ذرائع کے مطابق پی سی بی جلد کرکٹ آسٹریلیا سے مثبت جواب ملنے کے لئے پر امید ہے، بورڈ نے اگلے سال دورے میں ایک اضافی ٹیسٹ کھیلنے کی تجویز دی تھی۔

(جاری ہے)

آسٹریلیا کے فروری مارچ کے شیڈول دورے میں 2 ٹیسٹ 3 ون ڈے اور 3 ٹی ٹوئنٹی میچز شامل ہیں۔

چیف ایگزیکٹو وسیم خان کاکہنا ہے کہ ایف ٹی پی کی سیریز میں دو کی بجائے تین ٹیسٹ کی بھرپور کوشش کر رہے ہیں، تیسرا ٹیسٹ ممکن ہوتا ہے یا نہیں کچھ کہنا قبل از وقت ہے تاہم ہماری کوشش جاری ہے۔وسیم خان نے مزید بتایا کہ کرکٹ آسٹریلیا سے بات کر رہے ہیں اس تجویز کا جائزہ لیا جا رہا ہے۔