سپین کی پارلیمنٹ کی کارروائی ایک چوہے کی وجہ سے تعطل کا شکار ،اراکین پارلیمنٹ کی دوڑیں لگ گئیں

ہفتہ 24 جولائی 2021 15:33

میڈرڈ (اُردو پوائنٹ اخبارتازہ ترین - این این آئی۔ 24 جولائی2021ء) سپین کی پارلیمنٹ کی کارروائی ایک چوہے کی وجہ سے تعطل کا شکار ہو گئی اور اراکین پارلیمنٹ کی دوڑیں لگ گئیں۔غیر ملکی میڈیا کے مطابق اسپین میں چوہے کی پارلیمنٹ ہاؤس میں آمد اور پارلیمنٹ کی کارروائی رکوانے کی ویڈیو سوشل میڈیا پر وائرل ہو گئی۔

(جاری ہے)

ویڈیو میں دیکھا جا سکتا ہے کہ چوہا پارلیمنٹ میں گھس ا?یا جس کی وجہ سے پارلیمنٹ میں ہنگامہ برپا ہو گیا۔

چوہے کو سب سے پہلے پارلیمنٹ کی علاقائی اسپیکر مارٹا بوسکے نے اس وقت دیکھا جب وہ ڈائس پر تقریر کر رہی تھیں کہ مائیکرو فون پر ان کے منہ سے بے ساختہ چیخ نکل گئی تاہم انہوں نے اپنے منہ پر ہاتھ رکھ لیا۔چوہے کی اطلاع کے ساتھ ہی بیشتر ارکان اپنی نشستوں پر کھڑے ہوگئے جبکہ چند اراکین تو اپنی سیٹوں سے چھلانگ مار کر بھاگنے لگے۔