سرگودھا میں انسداد ڈینگی اقدامات میں سستی کاہلی اور غفلت کے مرتکب افسران اوراہلکاروں کو ضلع بدر کرنے کا حکم

بدھ 28 جولائی 2021 13:50

سرگودھا میں انسداد ڈینگی اقدامات میں سستی کاہلی اور غفلت کے مرتکب افسران ..
سرگودھا(اُردو پوائنٹ اخبارتازہ ترین - این این آئی۔ 28 جولائی2021ء) سرگودھا میں انسداد ڈینگی اقدامات میں سستی کاہلی اور غفلت کے مرتکب افسران اوراہلکاروں کو ضلع بدر کر کے ان کے خلاف خصوصی چارج شیٹ تیار کی حکم دیتے ہوئے کہا گیا ان اقدامات پر عمل کر کے اس قومی کاز کو کامیاب بنایا جاسکے۔زرائع کے مطابق ایڈیشنل ڈپٹی کمشنرجنرل بلال فیروز جوئیہ انسداد ڈینگی اجلاس کی صدارت کرتے ہوئے انسداد ڈینگی اقدامات میں غیر فعال افسران کا احتساب کرنے کا حکم دیا۔

ایڈیشنل ڈپٹی کمشنر نے کہاکہ موسم برسات ڈینگی لاروا کیلئے ساز گار ہے ۔ ڈینگی بخار جان لیوا ئ ہے ۔حکومت شہریوں کے جان کے تحفظ کیلئے ڈینگی کے کنٹرول پر بھاری فنڈز خرچ کر رہی ہے ۔ڈینگی لاروا کی تلاش اس موذی مرض کے خاتمہ کی اساس ہے ۔

(جاری ہے)

اس لئے متعلقہ ادارے اور اینٹاما لوجسٹ لاروا کی تلاش میں تما م وسائل استعمال کر کے ایسی سائٹس کو سیل کریں ۔

انسداد ڈینگی ایس او پیز اختیار نہ کرنے والے احاطوں کے مالکان کے خلاف مقدمات قائم کئے جائیں اور انہیں بھاری جرمانے کئے جائیں ۔ اجلاس میں بتا یا گیا کہ 2021 کے دوران 428 مشتبہ افراد کالیبارٹری ٹیسٹ کروایا گیا جن میں سے ایک بھی کنفرم مریض سامنے نہیں آیا ۔انہوں نے بتایا کہ گذشتہ ہفتے کے دوران 498 ان ڈور ٹیموں نے 87079 گھروں کو چیک کیا جبکہ 152 آوٹ ڈور ٹیموں نے 28349 مقامات چیک کئے ۔انہوں نے بتایا کہ گذشتہ چھ ماہ کے دوران ضلع کی178 مقامات سے ڈینگی لاروا تلاش کر کے تلف کیا گیا ۔اجلاس میں بتایاگیاکہ مجموعی طورپر 2454 سرویلنس افسران میں سے 234 غیر فعال رہے ہیں جنہیںاظہار وجوہ کے نوٹس جاری کئے جارہے ہیں۔

متعلقہ عنوان :