پاکستانی سفیر رضوان سعید شیخ سے معروف شخصیات کی ملاقات، پاک امریکہ تعلقات اور کاروباری روابط پر گفتگو

عمر جمشید پیر 10 اگست 2026 13:52

لاہور (اُردو پوائنٹ اخبارتازہ ترین۔ 10 اگست2026ء) لاس اینجلس پاکستانی سفیر برائے امریکہ رضوان سعید شیخ سے مختلف شعبہ ہائے زندگی سے تعلق رکھنے والی اہم شخصیات نے ملاقات کی۔ ملاقات میں قونصل جنرل پاکستان عاصم علی خان، کیلیفورنیا چیمبر آف کامرس کے پروموٹر و ڈائریکٹر ناصر راؤ، چیمبر آف کامرس کے صدر فواد اسماعیل، وقار علی خان اور اداکار و اینکر سہیل مرزا سمیت دیگر شخصیات نے شرکت کی۔

ملاقات کے دوران پاکستان اور امریکہ کے درمیان تجارتی، کاروباری اور ثقافتی روابط کے فروغ سمیت پاکستانی کمیونٹی کے کردار پر تبادلہ خیال کیا گیا۔ پاکستانی سفیر رضوان سعید شیخ نے پاکستانی نژاد امریکی کمیونٹی کی خدمات کو سراہتے ہوئے کہا کہ بیرون ملک مقیم پاکستانی دونوں ممالک کے درمیان تجارتی اور معاشی روابط مضبوط بنانے میں اہم کردار ادا کر رہے ہیں۔

(جاری ہے)

اس موقع پر شرکاء نے پاکستان اور امریکہ کے درمیان کاروباری مواقع بڑھانے، سرمایہ کاری کے فروغ اور دونوں ممالک کے درمیان مضبوط روابط کے لیے مشترکہ کاوشوں کی ضرورت پر زور دیا۔
واضح رہے کہ پاکستانی سفیر رضوان سعید شیخ اس سے قبل بھی امریکی کاروباری رہنماؤں اور پاکستانی نژاد کاروباری شخصیات سے ملاقاتوں میں پاک امریکہ تجارت اور سرمایہ کاری کے فروغ پر زور دے چکے ہیں۔