پرامن اور مستحکم افغانستان پاکستان کے مفاد میں ہے،افغانستان میں عوام کی منتخب کردہ حکومت کی حمایت کریں گے، فرخ حبیب

جمعرات 29 جولائی 2021 14:59

اسلام آباد (اُردو پوائنٹ اخبارتازہ ترین - این این آئی۔ 29 جولائی2021ء) وزیر مملکت اطلاعات و نشریات فرخ حبیب نے کہا ہے کہ پرامن اور مستحکم افغانستان پاکستان کے مفاد میں ہے،افغانستان میں عوام کی منتخب کردہ حکومت کی حمایت کریں گے۔ تقریب سے خطاب کرتے ہوئے وزیرمملکت نے کہاکہ پاکستان افغانستان میں امن چاہتا ہے۔ انہوںنے کہاکہ پرامن اور مستحکم افغانستان پاکستان کے مفاد میں ہے۔

(جاری ہے)

انہوںنے کہاکہ پاکستان کی کوشش ہے افغانستان میں امن قائم ہو،افغانستان میں عوام کی منتخب کردہ حکومت کی حمایت کریں گے۔ وزیر مملکت نے کہاکہ ہمارے دروازے افغان بھائیوں کیلئے کھلے ہیں،افغان تاجر کاروبار کیلئے پاکستان آتے ہیں۔ وزیر مملکت نے کہاکہ افغانستان کے لوگ علاج معالجے کیلئے پاکستان آتے ہیں،پاکستان کی کوشش ہے افغانستان کے تمام سٹیک ہولڈر مل کر کسی نتیجے پر پہنچیں۔فرخ حبیب نے کہاکہ افغان جنگ سے پاکستان کی معیشت کو نقصان پہنچا ہے۔