محکمہ ضلعی صحت نے اسلام آباد کے مختلف علاقوں میں سمارٹ لاک ڈاؤن کا کہہ دیا

جمعرات 29 جولائی 2021 16:16

اسلام آباد (اُردو پوائنٹ اخبارتازہ ترین - این این آئی۔ 29 جولائی2021ء) محکمہ ضلعی صحت نے اسلام آباد کے مختلف علاقوں میں سمارٹ لاک ڈاؤن کا کہہ دیا ،سمارٹ لاک ڈاؤن لگانے کے لیے ڈسٹرکٹ ہیلتھ افیسر کا اسلام آباد انتظامیہ کو خط لکھ دیا ۔

(جاری ہے)

ڈی ایچ او ڈاکٹر زعیم ضیاء کے مطابق گزشتہ سات روز سے کچھ علاقوں میں کورونا کیسز میں تیزی سے اضافہ ہو رہا ہے ،کورونا پھیلاؤ کے علاقوں میں شہریوں کی غیر ضروری نقل و حرکت روکی جائے ۔

ڈی ایچ او کے مطابق مزید کورونا پھیلاؤ کو روکنے کے لیے نقل و حمل روکنے کے سخت اقدامات کئے جائیں ،سیکٹر جی ٹن فور کی سٹریٹ 10،40،42،45اور 53 میں لاک ڈاؤن لگائیں ،آئی سیٹ فور کی سٹریٹ 85،86،104اور 105 میں شہریوں کی نقل و حرکت روکی جائے ،جی 13/2 کی سٹریٹ 589 میں شہریوں کی نقل و حرکت روکی جائے۔ خط میں کہاگیاکہ متعلقہ علاقوں میں ایمرجنسی اقدامات لیے جاہیں۔