سری لنکا نے بھارتی کرکٹ ٹیم کا غرور خاک میں ملا دیا

دنیائے کرکٹ کی مضبوط ترین ٹیم ہونے کی دعویدار بھارتی ٹیم کو کمزور سری لنکن ٹیم کے ہاتھوں ٹی ٹوئنٹی سیریز میں شکست

muhammad ali محمد علی جمعہ 30 جولائی 2021 00:31

سری لنکا نے بھارتی کرکٹ ٹیم کا غرور خاک میں ملا دیا
کولمبو (اُردو پوائنٹ اخبارتازہ ترین۔ 29 جولائی2021ء) سری لنکا نے بھارتی کرکٹ ٹیم کا غرور خاک میں ملا دیا۔ تفصیلات کے مطابق ایک وقت میں 3 تگڑی بین الاقوامی کرکٹ ٹیمیں ہونے کے دعویدار بھارت کو سری لنکا میں شرمندگی کا سامنا کرنا پڑ گیا۔ کمزور ترین سری لنکن کرکٹ ٹیم نے اپنے ہوم گراوںڈ پر کھیلی جانے والی ٹی ٹوئنٹی سیریز میں بھارت کا غرور خاک میں ملا دیا۔

دنیائے کرکٹ کی مضبوط ترین ٹیم ہونے کی دعویدار بھارتی ٹیم کو کمزور سری لنکن ٹیم کے ہاتھوں ٹی ٹوئنٹی سیریز میں شکست کا سامنا کرنا پڑا ہے۔ بتایا گیا ہے کہ سری لنکا نے کولمبو میں کھیلے گئے سیریز کے تیسرے اور آخری ٹی ٹوئنٹی میچ میں بھارت کو باآسانی شکست دے دی۔ بھارتی پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر محظ 81 رنز بنا سکی، جواب میں سری لنکا نے مطلوبہ ہدف 3 وکٹوں کے نقصان پر باآسانی حاصل کر لیا۔

(جاری ہے)

یوں سری لنکا نے 1-2 کی فیصلہ کن برتری سے سیریز اپنے نام کر لی۔ اس سے قبل سری لنکا نے بھارت کو دوسرے میچ میں بھی شکست سے دوچار کیا تھا۔ سری لنکا کے ہاتھوں شکست کے بعد بھارت کو دنیا بھر کے شائقین کرکٹ کے طنز اور تنقید کا سامنا کرنا پڑ رہا ہے۔ کچھ روز قبل قبل بھارتی کرکٹر ہاردک پانڈیا نے دعویٰ کیا تھا کہ بھارت ایک وقت میں 3 ایسی بین الاقوامی کرکٹ ٹیمیں تیار کرنے کی صلاحیت رکھتا ہے، جو کوئی بھی عالمی ٹورنامنٹ جیت سکتی ہیں۔

تاہم اب بھارت کی بینچ اسٹرینتھ کو سری لنکا کی ٹیم نے باآسانی زیر کر کے ہاردک پانڈیا کے دعوے کو غلط ثابت کر دیا۔ یہاں واضح رہے کہ موجودہ سری لنکن کرکٹ ٹیم کو 3 دہائیوں کی کمزور ترین لنکن ٹیم قرار دیا جاتا ہے، اس کے باوجود لنکن ٹیم بھارت کیخلاف سیریز میں فتح حاصل کرنے میں کامیاب رہی۔