وزیر اعظم کی سفارت کاری رنگ لے آئی،سعودی عرب سے 18 قیدی کل لاہور پہنچیں گے

پیر 2 اگست 2021 16:59

اسلام آباد (اُردو پوائنٹ اخبارتازہ ترین - این این آئی۔ 02 اگست2021ء) وزیر اعظم عمران خان کی سفارت کاری رنگ لے آئی ،سعودی عرب کی جیلوں میں بند قیدیوں کی رہائی کا عمل جاری ہے۔

(جاری ہے)

تفصیلات کے مطابق وزیر اعظم عمران خان کی سفارت کاری کے ثمرات آنا شروع ہوگئے سعودی عرب سے 18 قیدی (آج) منگل کو لاہور پہنچیں گے جبکہ اوورسیز پاکستانی فاؤنڈیشن نے قیدیوں کو وطن پہنچانے کے انتظامات مکمل کرلئے ہیں۔

قیدی پی آئی اے کی پرواز پی کے 9248 کے ذریعے دمام سے لاہور پہنچیں گے جبکہ اوورسیز پاکستانی فاونڈیشن قیدیوں کے کورونا ٹیسٹ اور گھروں کو روانگی کا بندوبست کرے گی۔اس سے قبل 65 قیدی 20 جولائی کو اسلام آباد پہنچ چکے ہیں، وزیر اعظم نے اوورسیز پاکستانی فاؤنڈیشن کو قیدیوں کی رہائی اور بحفاظت واپس یقینی بنانے کی ہدایت دی تھی۔