لاہور بورڈ نے جماعت نہم میں داخلہ کیلئے شیڈول کا اعلان کردیا

لاہور (اُردو پوائنٹ اخبارتازہ ترین - این این آئی۔ 02 اگست2021ء) لاہور بورڈ نے جماعت نہم میں داخلہ کیلئے شیڈول کا اعلان کردیا،طلبا و طالبات بغیر لیٹ فیس 15 ستمبر تک داخلہ لے سکتے ہیں۔تفصیلات کے مطابق جماعت نہم میں داخلہ کیلئیشیڈول کا اعلان کردیا ہے،طلبا و طالبات بغیر لیٹ فیس 15 ستمبر تک داخلہ لے سکیں گے،سرکاری اداروں کے طلبہ کی داخلہ فیس معاف ہے تاہم سرکاری اداروں کے طلبا سے پروسیسنگ فیس کی395 روپے وصول ہونگے۔

مقررہ تاریخ کے بعد 500 روپے جرمانے پر 16 سے 30ستمبرتک داخلے ہونگے۔ واضح رہے کہ گزشتہ دنوں ہی میٹرک اور انٹرمیڈیٹ کے طلبا کیلئے امتحانات کی نئی پالیسی جاری کی گئی تھی جس کے مطابق اب اختیاری مضامین کے پرچے بھی لازمی پاس کرنا ہونگی, پالیسی کے مطابق رواں سال میٹرک اور انٹرمیڈیٹ کے طلبا کے عملی امتحانات نہیں لئے جائیں گے، اس حوالے سے نوٹیفکیشن بھی جاری کردیا گیا۔

(جاری ہے)

نوٹیفکیشن کے مطابق بارہویں جماعت پاس کرنیوالے طلبا کو گیارہویں کے ری اپیئر امتحانات میں بیٹھنے کی ضرورت نہیں، وہ طلبا جو نمبرز بہتر کرنے کیلئے امتحان دینا چاہتے ہوں، انہیں صرف اختیاری مضامین کے پرچے دینا ہونگے جبکہ میٹرک امتحانات میں بیٹھنے والے طلبا اختیاری مضامین اور ریاضی کا پیپر دینے کے پابند ہونگے،امیدوار جس مضمون میں فیل ہوگا صرف اسی کا پرچہ دوبارہ دے گا, میٹرک اور انٹرمیڈیٹ کے امتحانات پاس کرنے والوں طلبا کو پریکٹیکلز میں 50 فیصد نمبر دیئے جائیں گے۔