شوبز انڈسٹری کی ہردلعزیز جوڑی عائزہ خان اور دانش تیمور کی شادی کو 7 سال مکمل، کیک کاٹنے کی ویڈیو شیئر

مجھے یقین نہیں آتا کہ یہ 7 سال کیسے گزر گئے، دعا کرتی ہوں ہم ساری زندگی ایسی ہی خوشگوار زندگی گزاریں، بیان

منگل 17 اگست 2021 16:51

اسلام آباد (اُردو پوائنٹ اخبارتازہ ترین - این این آئی۔ 17 اگست2021ء) شوبز انڈسٹری کی ہردلعزیز جوڑی عائزہ خان اور دانش تیمور کی شادی کو 7 سال مکمل ہوگئے۔شادی کی سالگرہ پر عائزہ خان نے دانش تیمور کے ساتھ کیک کاٹتے ایک مختصر ویڈیو شیئر کی۔

(جاری ہے)

ویڈیو شیئر کرتے ہوئے اداکارہ نے لکھا کہ مجھے یقین نہیں آتا کہ یہ 7 سال کیسے گزر گئے، میں دعا کرتی ہوں کہ ہم ساری زندگی ایسی ہی خوشگوار زندگی گزاریں۔دوسری جانب دانش تیمور نے ایک پوسٹ میں لکھا کہ بیشمار محبتوں میں اکھٹے ہوئے 7 برس مکمل ہوگئے۔عائزہ خان کی اداکار دانش تیمور سے 2014 میں شادی ہوئی تھی۔ اداکارہ کے ہاں بیٹی کی پیدائش 2015 میں ہوئی تھی ،ان کے ہاں 2017 میں بیٹا پیدا ہوا۔