پریانکا چوپڑا نے رئیلیٹی شو میں جج کے فرائض انجام دینے پر معذرت کرلی

ہفتہ 18 ستمبر 2021 22:01

لاس اینجلس (اُردو پوائنٹ اخبارتازہ ترین - آن لائن۔ 18 ستمبر2021ء) بالی ووڈ اداکارہ پریانکا چوپڑا نے امریکی رئیلیٹی شو 'دی ایکٹیوسٹ' میں بحیثیت جج فرائض انجام دینے سے معذرت کرلی۔دی ایکٹیوسٹ صحت، تعلیم اور ماحولیاتی مسائل سے جڑے لوگوں کے لیے جی 20 سمٹ میں جگہ حاصل کرنے کے لیے ایک چیلنج شو تھا۔

(جاری ہے)

غیر ملکی میڈیا کے مطابق پریانکا چوپڑا نے یہ فیصلہ رئیلیٹی شو کے فارمیٹ پر صارفین کی جانب سے تنقید کے بعد کیا۔

سوشل میڈیا پر پوسٹ کرتے ہوئے اداکارہ کا کہنا تھا کہ رئیلیٹی شو پر تنقید کو تسلیم کرتی ہوں اور مجھے افسوس ہے کہ اس میں میری شرکت نے آپ میں سے بہت سے لوگوں کو مایوس کیا۔اس سے قبل ’دی ایکٹیوسٹ‘ کے فارمیٹ میں تبدیلی کا اعلان کردیا گیا اور اسے اب ایک مقابلے کے شو سے بدل کر ایک دستاویزی فلم بنایا جائیگی۔