اسلام آباد انتظامیہ کی کورونا ایس او پیز اورناجائز منافع خوری کے سلسلہ میں کارروائیاں، 14دکانیں ،4ریسٹورنٹس سیل

پیر 20 ستمبر 2021 13:23

اسلام آباد(اُردو پوائنٹ اخبارتازہ ترین - اے پی پی۔ 20 ستمبر2021ء) :اسلام آباد کی ضلعی انتظامیہ نے کورونا ایس او پیز کی خلاف ورزی اورناجائز منافع خوری پر 14دکانوں اور4ریسٹورنٹس کو سیل کر دیا جبکہ 13افراد کو گرفتارکر لیا اورخلاف ورزی کرنے والوں کو48ہزار500روپے کے جرمانے کیے ہیں۔ڈپٹی کمشنر اسلام آباد حمزہ شفقات کی جانب سے جاری تفصیلات کے مطابق انتظامیہ کی ٹیموں نےمجموعی طور پر495انسپکشنزکیں۔

اسلام آباد کی ضلعی انتظامیہ کی ٹیموں نے ایس او پیز، ناجائز منافع خوری اور ٹرانسپورٹس گاڑیوں کے خلاف کارروائی کرتے ہوئے مجموعی طور پر14دکانوں ،4 ریستورانوں کو سیل کردیا ہے اور13افراد کو گرفتار کیا گیا، خلاف ورزی کرنے والوں کو48ہزار500روپے کے جرمانے بھی کئے گئے ہیں۔

(جاری ہے)

انتظامیہ نے ایس او پیز کی خلاف ورزی پر کارروائی کرتے ہوئے 119 دکانوں کا معائنہ،6دکانوں کو سیل کیا اور6ہزار روپے کے جرمانے کئے۔

انتظامیہ نے12میرج ہالز کو چیک کیا ، انتظامیہ نے42 ریسٹورنٹس کو چیک کرکے 4ریستورانوں کو سیل کردیا ہےاور ریسٹورنٹس کو2ہزار500 روپے کے جرمانے کیے گئے ہیں اور2افراد کو گرفتار کر لیا۔ ضلعی انتظامیہ نے ناجائز منافع خوری پر96انسپکشنز کیں ،4دکانوں کو سیل اور 3افراد کو گرفتار کرلیا اور خلاف ورزی پر12ہزار 500روپے کے جرمانے کئے گئے۔ انتظامیہ نے چینی کی قیمتوں میں اضافہ کے خلاف کارروائی کرتے ہوئے 75 دکانوں کا معائنہ کیا، خلاف ورزی پر8ہزار500روپے جرمانے کئے گئے اور4 دکان کو سیل کردیا ہے۔

انتظامیہ نے پبلک ٹرانسپورٹ گاڑیوں کے خلاف کارروائی کرتے ہوئے71گاڑیوں کو چیک کیااور35گاڑیوں کو چالان کیا گیا اورگاڑیوں کو16ہزارروپے کے جرمانے کئے ہیں۔ انتظامیہ نے پلاسٹک بیگز کے خلاف کارروائی کرتے ہوئےپلاسٹک بیگز کی70 دکانوں کامعائنہ کیا اور7کلو گرام پلاسٹک بیگز ضبط کر لئے ہیں اور خلاف ورزی پر 3ہزارروپے کے جرمانے کیے گئے ہیں۔ انتظامیہ نے بھکاریوں کے خلاف مہم کے دوران 10 ایریاز کا معائنہ کیا اور8بھکاریوں کو گرفتارکیا۔

Facebook Twitter Google + Share on Whatsapp

اسلام آباد انتظامیہ کی کورونا ایس او پیز اورناجائز منافع خوری کے سلسلہ میں کارروائیاں، 14دکانیں ،4ریسٹورنٹس سیل

متعلقہ عنوان :

مزید قومی خبریں