لودہراں ، 5 روزہ انسداد پولیو مہم کا آغاز کر دیا گیا ، مہم کے دوران بچوں کو وٹامن اے کی اضافی خوراک بھی دی جائے گی۔ڈپٹی کمشنر عمران قریشی

لودھراں(اُردو پوائنٹ اخبارتازہ ترین۔ ۔ 20 ستمبر2021ء،نمائندہ خصوصی،عرفان اعوان) ڈپٹی کمشنرعمران قریشی نے کہا ہے کہ ضلع بھر میں 5روزہ انسداد پولیو مہم کا باقاعدہ آغاز کر دیا گیاہے۔ انہوں نے مزیدکہ انسدادِ پولیو مہم 24ستمبر2021ء تک جاری رہے گی۔انہوں نے کہاکہ مہم کے  دوران پانچ سال سے کم عمر3لاکھ21ہزار564 بچوں کو پولیو سے بچاؤ کی ویکسین پلائی جائے گی۔

انہوں نے مزیدکہاکہ انسداد پولیو مہم کے دوران بچوں کو وٹامن اے کی اضافی خوراک بھی دی جائے گی۔ڈپٹی کمشنر عمران قریشی نے بتایاکہ 6سے 11ماہ کے بچوں کو نیلا کیپسول جبکہ 12سے 59ماہ کے بچے کو وٹامن اے کے سرخ کیپسول دیئے جائیں گے۔ان خیالات کا اظہار انہوں نے بچوں کو انسداد پولیو ویکسین کے قطرے پلا کر مہم کا باقاعدہ آغاز کرتے ہوئے کیا۔

(جاری ہے)

اس موقع پر چیف ایگزیکٹیو آفیسر ڈسٹرکٹ ہیلتھ اتھارٹی ڈاکٹر سجاد اختر بھی اُن کے ساتھ موجود تھے۔

ڈپٹی کمشنر عمران قریشی نے بتایاکہ ضلع میں پانچ سال تک کی عمر کے بچوں کو انسدادپولیوویکسین کے قطرے پلانے کیلئے ضلع  میں 174ایریا انچارچ،952موبائل ٹیمیں 63فکسڈ ٹیمیں اور21ٹرانزٹ ٹیمیں تشکیل دی گئی ہیں۔ انہوں نے مزیدبتایا کہ انسداد پولیومہم کے دوران تحصیل لودھراں میں پانچ سال تک کی عمر کے 1لاکھ42ہزارسے زائد، تحصیل کہرڑوپکا میں 93ہزار131اور تحصیل دنیا پور میں 86ہزار429بچوں کو انسداد پولیو ویکسین کے قطرے پلانے کا ہدف حاصل کیا جائے گا۔انہوں نے بتایا کہ انسداد پولیو مہم کو کامیابی سے ہمکنار کرنے کیلئے 73یونین کونسل ایم اوز،175 ایرایا انچارج، 952موبائل ٹیمیں، 60فکسڈ ٹیمیں جبکہ 21ٹرانزٹ ٹیمیں تعینات ہیں۔