تعجب ہے 2020 سے درآمدی بل میں 99 فیصد اضافہ ہوا ہے، شیری رحمان

جمعرات 23 ستمبر 2021 14:02

اسلام آباد (اُردو پوائنٹ اخبارتازہ ترین - این این آئی۔ 23 ستمبر2021ء) نائب صدر پیپلز پارٹی سینیٹر شیری رحمان نے کہا ہے کہ تعجب ہے 2020 سے درآمدی بل میں 99 فیصد اضافہ ہوا ہے۔ اپنے بیان میں شیری رحمن نے کہاکہ حکومت ہر چیز درآمد کر رہی ہے، زرعی ملک ہونے کے باوجود فوڈ امپورٹ بل میں 53 فیصد اضافہ ہوا ہے۔

(جاری ہے)

انہوںنے کہاکہ درآمدات میں اضافے سے کرنٹ اکاؤنٹ خسارہ بڑھ رہا ہے، کوئی تعجب نہیں کہ روپے کی بڑے پیمانے پر قدر کم ہو رہی ہے۔

انہوںنے کہاکہ ایشین ڈویلپمنٹ بینک نے کہا ہے کہ پاکستان کی خطے میں 5 ویں سب سے کم اقتصادی ترقی کی شرح ہے، اے ڈی بی نے پیش گوئی کی ہے کہ ہماری افراط زر اس خطے میں سب سے زیادہ (7.5 فیصد) رہی گی۔ انہوںنے کہاکہ پاکستان کے بڑھتے ہوئے تجارتی عدم توازن کو درست کرنے کے لیے حکومت کب بیدار ہوگی