کسانوں نے ایک بار پھر پورے بھارت کو بند کردیا

متنازع تین زرعی قوانین کے خلاف ایک سال سے سراپا احتجاج ،وزیراعلیٰ پنجاب کی بھی کسانوں کی حمایت

پیر 27 ستمبر 2021 14:32

کسانوں نے ایک بار پھر پورے بھارت کو بند کردیا

نئی دہلی(اُردو پوائنٹ اخبارتازہ ترین - این این آئی۔ 27 ستمبر2021ء) کسان تحریک کو ایک سال مکمل ہونے پر بھارتی کسانوں نے ایک بار پھر پورے ملک کو بند کردیا ہے۔میڈیارپورٹس کے مطابق بھارت بند ہڑتال صبح 6 بجے سے لے کر شام چار بجے تک تمام حکومتی اور نجی ادارے اور دفاتر بند رہیں گے۔پنجاب کے وزیراعلی نے بھی بھارت بندکی حمایت کی ۔

(جاری ہے)

مودی سرکار نے پورے بھارت میں پولیس کو ہائی الرٹ کردیا اور جگہ جگہ خار دار تاریں اور رکاوٹیں کھڑی کردی گئیں۔

دارالحکومت نئی دہلی میں کسی کو داخل ہونے کی اجازت نہیں دی جارہی۔ کسان مودی سرکار کی طرف سے نافذ کیے گئے متنازع تین زرعی قوانین کے خلاف ایک سال سے سراپا احتجاج ہیں۔لاکھوں کسان تین نئے فارمنگ بلز پر عمل درآمد کیخلاف سراپا احتجاج ہیں، جس سے زرعی تجارت کے قوانین تبدیل ہوجائیں گے۔