ٹی ٹونٹی ورلڈ کپ کوالیفائنگ رائونڈ، سکاٹ لینڈ کا بنگلہ دیش کو جیت کیلئے 141 رنز کا ہدف

کرس گریوز کی دھواں دھار بلے بازی

ذیشان مہتاب اتوار 17 اکتوبر 2021 20:48

ٹی ٹونٹی ورلڈ کپ کوالیفائنگ رائونڈ، سکاٹ لینڈ کا بنگلہ دیش کو جیت کیلئے ..

دبئی(اردو پوائنٹ تازہ ترین اخبار ۔ 17 اکتوبر 2021ء ) ٹی ٹونٹی ورلڈ کپ کے گروپ سٹیج کے دوسرے میچ میں سکاٹ لینڈ نے بنگلہ دیش کو کامیابی کے لیے 141 رنز کا ہدف دے دیا ہے ۔ تفصیلات کے مطابق بنگلہ دیشن نے سکاٹ لینڈ کے خلاف ٹاس جیت کر فیلڈنگ کا فیصلہ کرلیا ۔ سکاٹ لینڈ کی جانب سے اوپننگ کرنے والے کپتان کائل کوٹزر بغیر کوئی سکور بنائے محمد سیف الدین کی گیند پر آوٹ ہوئے ۔

گریوز 45 سکور بنا کر آوٹ ہوئے۔ جیورج منسے 29 سکور بنا کر آوٹ ہوئے جب کہ میتھو کراس 11رنز بنا کر آوٹ ہوئے ۔ رچی برنگٹن 2، کیلم میکلیوڈ 5، میچل لیسک صفر سکور پر آوٹ ہوئے ۔

(جاری ہے)

مارک واٹ 22 سکور بنا کر آوٹ ہوئے۔ بنگلہ دیش کی جانب سے شکیب الحسن اور مستفیض الرحمن نے 2 ،2 جب کہ مہدی حسن نے تین وکٹیں حاصل کیں ۔ اس سے قبل بنگلہ دیشی کپتان محمد اللہ کا کہنا تھا کہ سکور کرنے کے لیے یہ اچھی پچ لگ رہی ہے لیکن ہم سکور کا تعاقب کرنا پسند کریں گے کیونکہ دوسری اننگز میں ڈیو آجائے گی ۔

دوسری جانب سکاٹ لینڈ کے کپتان نے کہا کہ پہلے باولنگ آئے یا بیٹنگ ،ہمارے لیے مسئلہ نہیں ۔ ان کا کہنا تھا کہ ہمیں ہم نے زیادہ سکور بنانا ہے جس سے مخالف ٹیم پر دباﺅ بڑھے گا ،باولنگ کے دوران ڈیو فیکٹر ہو گا لیکن ہمیں اس کے ساتھ ہی مقابلہ کرنا ہے ۔