کراچی،ایم کیوایم پاکستان انٹرا پارٹی الیکشن کیخلاف بینرز آویزاں، پارٹی الیکشن نامنظور کے نعرے درج

بدھ 20 اکتوبر 2021 12:09

کراچی(اُردو پوائنٹ اخبارتازہ ترین - این این آئی۔ 20 اکتوبر2021ء) کراچی میں متحدہ قومی موومنٹ(ایم کیو ایم)پاکستان کے انٹرا پارٹی الیکشن کے خلاف بینرز لگ گئے، ان بینرز پر پارٹی الیکشن نامنظور کے نعرے درج ہیں۔

(جاری ہے)

اس حوالے سے ترجمان ایم کیوایم پاکستان نے کہاکہ بینرز مخالفین کا حربہ ہوسکتے ہیں، رجسٹرڈ کارکنان کو درج طریقہ کار کے مطابق نامزدگی کا موقع فراہم کیا گیا ہے۔انہوں نے کہا کہ متحدہ قومی موومنٹ جمہوری جماعت ہے، بڑی تعداد میں پارٹی کارکنان نے ووٹ کاسٹ کیئے ہیں۔ترجمان نے کہاکہ رجسٹرڈ کارکنان کو انٹرا پارٹی انتخابات کا باقاعدہ پیغام پہنچایا گیا تھا، الیکشن کے لیے ضابطہ اخلاق کے مطابق طریقہ کار اختیار کیا گیا۔