لکس اسٹائل ایوارڈمیں پرفارمنس سے قبل ماہرہ خان کیساتھ کئے گئے مذاق کی ویڈیو وائرل

جمعرات 21 اکتوبر 2021 11:36

لاہور(اُردو پوائنٹ اخبارتازہ ترین - این این آئی۔ 21 اکتوبر2021ء) لکس اسٹائل ایوارڈز کی ستاروں سے سجی تقریب تو آکرگزربھی گئی لیکن بہت کم لوگ جانتے ہوں کہ ماہرہ خان اپنی ایک پرفارمنس سے قبل ایک مذاق کا نشانہ بنیں۔

(جاری ہے)

ماہرہ خان نے شہریار منوراورمیرا کے ساتھ سال 2019 میں ریلیز ہونے والی فلم ’’پرے ہٹ لو ‘‘کے گانے ’’اک پل ‘‘پرپرفارم کرنا تھا لیکن اسٹیج پرجانے سے چند لمحات قبل ان کے ساتھ جوا ہوا اس کی ویڈیو سوشل میڈیا پروائرل ہو رہی ہے۔

ویڈیومیں شہریارمنوراورماہرہ کی ٹیم ملی بھگت سے ماہرہ کو کہتے ہیں کہ میرا غائب ہوگئی ہیں، ایسے میں ماہرہ خاصی پریشانی سے دوچار ہوجاتی ہیں کہ میرا نہ آئیں تو پرفارمنس کیسے ہوگی۔ اداکارہ اس خیال کا بھی اظہارکرتی ہیں کہ شاید میرا پرفارمنس کے حوالے سے پریشانی کا شکار ہوکرچلی گئی ہیں۔مذاق سے لطف اندوز ہونے والے شہریار منوربالآخر ماہرہ کو بتاتے ہیں کہ سب منصوبہ بندی کے تحت کیا گیا اور میرا کہیں نہیں گئیں۔