عوام کیلئے شروع کیے گئے پروگرامز پر پروپیگنڈا نااہلوں کا وطیرہ ہے،ماضی میں صرف اپنے زیرِ اثر مافیاز کو ٹارگٹڈ سبسڈیز دی گئیں،ڈاکٹر شہباز گِل

جمعرات 21 اکتوبر 2021 13:44

اسلام آباد(اُردو پوائنٹ اخبارتازہ ترین - اے پی پی۔ 21 اکتوبر2021ء) وزیراعظم کےمعاون خصوصی برائے سیاسی ابلاغ ڈاکٹر شہباز گِل نے کہا ہے کہ عوام کیلئے شروع کیے گئے پروگرامز پر پروپیگنڈا نااہلوں کا وطیرہ ہے،ماضی میں صرف اپنے زیرِ اثر مافیاز کو ٹارگٹڈ سبسڈیز دی گئیں۔

(جاری ہے)

جمعرات کو مریم اورنگزیب کے بیان پر ردعمل ظاہرکرتے ہوئے انہوں نے کہا کہ میاں مفرور تمام تر مافیاز کے سرغنہ تھے۔

انہوں نے کہاکہ غریب کے احساس کی وجہ سے وزیراعظم نے عوام کیلئے ٹارگٹڈ سبسڈی کے پلان کا اعلان کیا۔ غریب طبقے کا احساس اور آسانی پیدا کرنا عمران خان کا مشن ہے۔ انہوں نے کہا کہ یوٹیلٹی اسٹورز کے ذریعے کم آمدن والے افراد کو ٹارگٹڈ سبسڈی دینا اولین ترجیح ہے۔ نااہل درباریوں کی اس اقدام پر بے چینی دیدنی ہے۔