دانیال افضل خان نے "محبت داغ کی صورت"کو مزید دلچسپ بنانے کی تیاری کرلی

بدھ 3 نومبر 2021 23:02

کراچی(اُردو پوائنٹ اخبارتازہ ترین - این این آئی۔ 03 نومبر2021ء)محبت داغ کی صورت ٹی وی اسکرین پر نشر ہونے والا اب تک کا سب سے دلچسپ اور سب سے زیادہ دیکھنے جانیوالے ڈراموں میں سے ایک ہے، جو کہ سیونتھ اسکائی انٹرٹینمنٹ کے بینر تلے عبداللہ کادوانی کی پیش کش ہے۔ اس ڈرامے میں اداکاروں کی کارکردگی سے لیکر بیک گراونڈ اسکور تک ہر چیز کو سراہا جارہاہے۔

وراسٹائل اداکار دانیال افضل خان کرداروں کے انتخاب میں مہارت رکھتے ہیںِ اور بہت جلد اس ڈرامے میں جلوہ گر ہونے والے ہیںِ باصلاحیت اداکار اس ڈرامے میں ایک مشہور اور دلکش جاگیردار کے کردار میں نظر آئیں گے، وہ شجرت اور صنعان کی زندگیوں میں داخل ہوں گے اور ان کی زندگیوں میں پہلے سے موجود پیچیدگیوں کا مداوا کرے گے، کہانی میں ان کا داخلہ شجرت کو ان مواقع کے بارے میں سوچنے پر مجبور کردے گا جو اس کے سامنے موجود ہیں، اور وہ سنجیدگی سے صنعان اور دانیال افضل کے کردار کے درمیان اپنے آپشنز پر غور کرے گی۔

(جاری ہے)

دانیال افضل خان کا اس ڈرامے میں کردار بہت دلچسپ ہے، اور یقینا اس ڈرامے کو پہلے سے بھی زیادہ دلچسپ بنادے گا، اس ڈرامے میں وہ ایک اوتار میں نظر آئیں گے جس میں انہیں اس سے پہلے کبھی نہیں دیکھا گیا تھا، یہی وجہ ہے کہ ہم سب اس بات کے منتظر ہیں کہ وہ اس کردار کو کیسے نبھائیں گے۔مجموعی طور پر دانیال افضل خان نے اپنے کرداروں سے کبھی مایوس نہیں کیا اور محبت داغ کی صورت میں بھی ان سے اس اظہار کے منتظر ہیں، ان کا کردار ہمیں بہت سے سوالات کی طرف لے جاتا ہے کہ جیسا کہ شجرت کیا کرے گی کیا وہ صنعان کے ساتھ رہنے کے لیے اپنے فیصلے پر قائم رہے گی، یا دانیال کے کردار کی طرف ہاتھ بڑھائے گی، دیکھتے رہیں ڈرامہ محبت داغ کی صورت بدھ کو صرف جیو ٹی وی پر۔

Facebook Twitter Google + Share on Whatsapp

دانیال افضل خان نے "محبت داغ کی صورت"کو مزید دلچسپ بنانے کی تیاری کرلی

مزید فن و فنکار کی خبریں