پولیو کے سبب پاکستان پر سفری پابندیاں برقرار، تین ماہ کی توسیع

جمعرات 25 نومبر 2021 16:41

جنیوا (اُردو پوائنٹ اخبارتازہ ترین - این این آئی۔ 25 نومبر2021ء) عالمی ادارہ صحت (ڈبلیو ایچ او) نے پولیو کے باعث پاکستان پر سفری پابندیاں برقرار رکھنے کا فیصلہ کرتے ہوئے اس میں 3 ماہ کی توسیع کر دی ہے۔

(جاری ہے)

ڈبلیو ایچ او کے مطابق پاکستان اور افغانستان پولیو کے عالمی پھیلائو کیلئے بدستور خطرہ ہیں، پاکستان میں پولیو ویکسینیشن سے انکاری والدین اور ویکسین سے محروم بچے چیلنج ہیں۔ڈبلیو ایچ او کا کہنا ہے کہ پاکستان سے باہر جانے والوں کی پولیو ویکسینیشن لازمی ہوگی۔واضح رہے کہ پاکستان سے بیرون ملک جانے والے افراد کی پولیو ویکسینیشن لازمی ہوگی، پاکستان پر پولیو کی وجہ سے سفری پابندیاں مئی 2014 ء میں عائد کی گئی تھیں۔