نوازشریف کی مقبولیت ہر گزرتے دن کے ساتھ بڑھتی جارہی ہے‘سمیرا کومل

تین دہائیوں سے نوازشریف کو سیاست سے مائنس کرنے کے خواب دیکھے جارہے ہیں‘(ن)لیگی رکن پنجاب اسمبلی

پیر 29 نومبر 2021 15:36

نوازشریف کی مقبولیت ہر گزرتے دن کے ساتھ بڑھتی جارہی ہے‘سمیرا کومل

لاہور(اُردو پوائنٹ اخبارتازہ ترین - این این آئی۔ 29 نومبر2021ء) مسلم لیگ(ن) کی رکن پنجاب اسمبلی سمیرا کومل نے کہا ہے کہ تین دہائیوں سے نوازشریف کو سیاست سے مائنس کرنے کے خواب دیکھے جارہے ہیں ۔نوازشریف کی مقبولیت ہر گزرتے دن کے ساتھ بڑھتی جارہی ہے۔عمران خان جیسے مہرے نوازشریف تین دہائیوں سے دیکھ رہے ہیں۔ایسے فصلی بٹیرے صرف موسمی پیداوار ہوتے ہیں۔

ایسے لوگ صرف غیر سیاسی قوتوں کے آلہ کار بن کر انکے ایجنڈے پر چلتے ہیں۔

(جاری ہے)

جب عوام کا منتخب وزیراعظم ملک پر حکومت کرتا ہے تو ملک میں سی پیک جیسے میگاپروجیکٹس شروع ہوتے ہیں جب کوئی نمائشی اور سلیکٹڈ شخص وزیراعظم بنتا ہے تو قوم کو صرف لنگر خانے ہی ملتے ہیں ۔انہوں نے مزید کہا پاکستان ہر گزرتے دن کے ساتھ آئی ایم ایف کے چنگل میں پھنستا جا رہا ہے۔آج پاکستان میں ہرمعاشی فیصلہ آئی ایم ایف کی مرضی سے ہورہا ہے۔پاکستان کے وزیراعظم اور وزیرخزانہ اس وقت آئی ایم ایف کے اشاروں پر ناچ رہے ہیں ۔عالمی سامراجی قوتیں مکمل پلاننگ کے ساتھ پاکستان کی معیشت کو تباہ کررہی ہیں جس میں عمران خان کا رول صرف ایک آلہ کار کا ہے۔