کراچی اوپن بیڈمنٹن چیمپین شپ فار وومن کا رنگا رنگ آغاز

کراچی(اردو پوائنٹ تازہ ترین اخبار ۔ 20 جنوری 2022ء)خواتین  بیڈمنٹن  کھلاڑیوں  کی  حوصلہ  افزاءی  کے  لیے  سندھ  رینجرز  اور  سندھ  بیڈمنٹن  ایسوسی  ایشن  کے  باہمی  اشتراک  سے  چھ  روزہ  کراچی  اوپن  بیڈمنٹن  چیمپین  شپ  فار  وومن  کا  انعقاد  رینجرز  کلب  نارتھ  ناظم آباد  میں  کیا  گیا۔۔چھ  روزہ  مقابلوں  کی  افتتاحی  تقریب  میں  رینجرز  کے  عہدے  داران ، بیڈمنٹن  ایسوسی  ایشن  کے  اراکین، صدر  نارتھ  کراچی   ایسوسی  ایشن  آف   ٹریڈ  اینڈ   انڈسٹری   فیصل  معیز  سمیت  مختلف  شعبہ ہاءے  زندگی  سے  تعلق  رکھنے  والی  شخصیات  نے  شرکت  کی۔

اس  موقع  پر  اپنے  خیالات  کا  اظہار  کرتے  ہوءے  صدر  نکاٹی  فیصل  معیز  نے  کہا  کہ  پاکستان  میں  ٹیلنٹ  کی  کمی  نہیں  ایک  قوم  ہونے  کے  ناطے  ہماری  ذمے  داری  ہے  کہ  با  صلاحیت  افراد  کو  آگے  لایا  جاءے۔

(جاری ہے)

انہوں  نے   کہا  کہ  کاروباری  حضرات  کو  چاہیے  کہ  با  صلاحیت  کھلاڑیوں  کی  سرپرستی  کریں۔۔رینجرز  جس  طرح  کھلاڑیوں  کی  پذیراءی  کر  رہی  ہے  بلاشبہ  یہ  ایک  قابل  ستاءش  اقدام  ہے۔

یہ  وہ  ٹیلنٹ  ہے  جسے  حوصلہ  افزاءی  کی  ضرورت  ہے۔۔  انہوں  نے  مزید  کہا  کہ  نارتھ  کراچی  کی  تاجر  برادری  نوجوانوں  کی  سرپرستی  جاری  رکھے  گی۔  اس  موقع  پر  ڈاءریکٹر  ٹورنامنٹ  ماہیہ  معین  نے  شرکاٴ  کو  چیمپین  شپ  کی  تفصیلات  سے  آگاہ  کیا۔واءس  چانسلر  کراچی  میڈیکل  اینڈ  ڈینٹل  کالج  ڈاکٹر  ناصر  نے  اپنے  خیالات  کا  اظہار  کرتے  ہوءے  کہا  کہ  ان  مقابلوں  میں  جو  بھی  ٹیمیں  حصہ  لے  رہی  ہیں  ان  سب  کو  مبارکباد  پیش  کرتا  ہوں۔

ہماری  سپورٹ  تمام  کھلاڑیوں  کے  ساتھ  ہے۔واضح  رہے  کہ  چھ  روزہ  بیڈمنٹن  چیمپین  شپ  فار  وومن  میں  مختلف  جامعات ، کالجز ، اوپن  اور  پروفیشنل  کیٹگری  کے  مقابلے  ہو  رہے  ہیں  جس  میں  شہر  بھر  سے  ایک  سو  سے  زاءد  کھلاڑی  حصہ  لے  رہی  ہیں۔یہ  مقابلے  پچیس  جنوری  تک  روزانہ  کی  بنیاد  پر  صبح  ساڑھے  دس  بجے  سے  شام  پانچ  بجے  تک  رینجرز  کلب  نارتھ  ناظم  آباد  کراچی  میں  جاری  رہنگے۔