Live Updates

عوام نے حکومت کو جو مینڈیٹ دیا ہے اسے پیش نظر رکھ کر حکومت آگے بڑھ رہی ہے ،ابرار الحق

اپوزیشن جماعتوں کی کرپٹ قیادت عوام کا اعتماد کھو چکی ،بلدیاتی انتخابات میں تحریک انصاف کلین سویپ کر کے عوامی خدمت کو جاری رکھیں گے، رہنماء پی ٹی آئی

جمعرات 27 جنوری 2022 17:02

عوام نے حکومت کو جو مینڈیٹ دیا ہے اسے پیش نظر رکھ کر حکومت آگے بڑھ رہی ..
قلعہ احمد آباد(اُردو پوائنٹ اخبارتازہ ترین - این این آئی۔ 27 جنوری2022ء) پاکستان تحریک انصاف کے مرکزی رہنما ء و ہلال احمر پاکستان کے سربراہ ابرار الحق نے کہا ہے کہ عوام نے حکومت کو جو مینڈیٹ دیا ہے اسے پیش نظر رکھتے ہوئے حکومت آگے بڑھ رہی ہے عوام سے کئے گئے تمام وعدے پورے کئے جائیں گے۔ اپوزیشن جماعتوں کی کرپٹ قیادت عوام کا اعتماد کھو چکی ہے اپنی گر تی سیاسی ساکھ کو سہارا دینے کی خاطر حکومت کو بلا وجہ ہدف تنقید بنانے والے اپوزیشن جماعتوں کے رہنما اپنا سیاسی قد بڑھانے کی ناکا م کوشش کر رہے ہیں۔

میڈیا سے گفتگو کرتے ہوئے انہوں نے کہا کہ سابق حکومت کی ڈنگ ٹپاؤ پالیسی ملک کو بد حالی کی دلدل میں دھکیل چکی تھی۔ پنجاب کے بلدیاتی انتخابات میں تحریک انصاف کلین سویپ کرتے ہوئے عوامی خدمت کو جاری رکھے گی۔

(جاری ہے)

انہوں نے کہا کہ وزیراعظم عمران خان سیاست کو عبادت سمجھ کر عوامی خدمت کر رہے ہیں اس سے کبھی بھی پیچھے نہیں ہٹیں گے عوامی حقوق کا تحفظ شہروں دیہاتوں میں تعمیر و ترقی تعلیم صحت صفائی ستھرائی اور عوام کو بنیادی سہولیات کی فراہمی کی سیاست کر کے عوام نے وزیراعظم عمران خان پر جس اعتماد کا اظہار کیا ہے کہ اس کو ہر صورت پورا کرینگے۔

انہوں نے کہاکہ پاکستان تحریک انصاف پاکستان کی سب سے بڑی جماعت ہے جو پاکستانی عوام کو درپیش بنیادی سنگین اور حقیقی مسائل کا ایک آزمودہ جامع پلان رکھتی ہے اور عوام کو انکی بنیادی ضروریات ان کی دہلیز پر مہیا کرنے کا عزم رکھتی ہے۔ ہم سب کی سیاست کا مقصد صرف اور صرف بے لوث عوامی خدمت ہے، ہمارے ورکرز اور سپورٹرز ہی ہمارا اثاثہ ہیں۔
Live عمران خان کی احتجاجی تحریک سے متعلق تازہ ترین معلومات