کوہاٹ ٹیکسٹائل ملز کی بعد از ٹیکس آمدنی میں 6 ماہ کے دوران 90 فیصد اضافہ

پیر 9 مئی 2022 10:00

اسلام آباد (اُردو پوائنٹ اخبارتازہ ترین - اے پی پی۔ 09 مئی2022ء) کوہاٹ ٹیکسٹائل ملز لمیٹڈ ( کے او ایچ ٹی ایم) کی بعد از ٹیکس آمدنی میں جاری مالی سال کی پہلی ششماہی کے دوران 90 فیصد اضافہ ہوا ہے۔ کمپنی کے مالیاتی نتائج کے مطابق گزشتہ مالی سال کے ابتدائی 6 ماہ میں جولائی تا دسمبر 2020 کے دوران کے او ایچ ٹی ایم کو 70 ملین روپے خالص آمدن ہوئی تھی تاہم رواں مالی سال میں جولائی تا دسمبر 2021 کےلئے کمپنی کاخالص منافع 133 ملین روپے تک بڑھ گیا۔

(جاری ہے)

اس طرح گزشتہ مالی سال کے مقابلہ میں رواں مالی سال کی پہلی ششماہی میں کوہاٹ ٹیکسٹائل ملز کے بعد از ٹیکس نفع میں 63 ملین روپے یعنی 90 فیصد کا نمایاں اضافہ ریکارڈ کیا گیا ہے جس کے نتیجہ میں کمپنی کی فی حصص آمدن بھی 3.39 روپے کے مقابلہ میں 636 روپے فی حصص تک بڑھ گئی۔ واضح رہے کہ رواں مالی سال میں پہلی سہ ماہی (جولائی تا ستمبر 2021 ) میں کے او ایچ ٹی ایم کو 100 ملین روپے بعد از ٹیکس آمدن ہوئی ہے اور اس عرصہ کے لئے فی حصص آمدنی 4.81 روپے ریکارڈ کی گئی ہے تاہم دوسری سہ ماہی میں (اکتوبر تادسمبر 2021) کےدوران کمپنی کا خالص منافع 33 ملین روپے جبکہ فی حصص نفع 1.55 روپے رہا ہے۔\395

Facebook Twitter Google + Share on Whatsapp

کوہاٹ ٹیکسٹائل ملز کی بعد از ٹیکس آمدنی میں 6 ماہ کے دوران 90 فیصد اضافہ

متعلقہ عنوان :

مزید تجارتی خبریں