راشد لطیف نے عملی طور پر سیاست میں آنیکا اعلان کردیا

کراچی (اُردو پوائنٹ اخبارتازہ ترین - این این آئی۔ 14 مئی2022ء) پاکستان کرکٹ ٹیم کے سابق وکٹ کیپر اورکپتان راشد لطیف نے عملی طور پر سیاست میں آنیکا اعلان کردیا۔ ایک انٹرویومیں راشد لطیف نے کہا کہ موجودہ سیاسی حالات کو بغور دیکھ رہا ہوں، ابھی کام کرنیکی سکت ہے، کچھ کرسکتا ہوں۔راشد لطیف نے کہا کہ عین ممکن ہے کہ آئندہ دو سے تین سال میں آپ مجھے سیاست میں دیکھیں۔

53 سالہ راشد لطیف سے جب یہ سوال ہوا کہ وہ کسی سیاسی جماعت کا حصہ بنیں گی یا اپنی علیحدہ سیاسی جماعت بنانے کا ارادہ رکھتے ہیں تو ان کا کہنا تھا کہ سب جانتے ہیں اور سب کو معلوم ہے کہ راشد لطیف کس سیاسی جماعت سے وابستگی رکھتا ہے، اس کے سیاسی نظریات کیا ہیں۔راشد لطیف نے کہا کہ وہ پرانی جگہ اور لوگ چھوڑنے والے نہیں، وہ منشور کے ساتھ چلنے والوں میں سے ہیں۔

(جاری ہے)

1992 سے 2005 تک پاکستان کیلئی37 ٹیسٹ اور 166 ون ڈے کھیلنے والے راشد لطیف نے حال ہی میں کشمیر پریمئیر لیگ کے ساتھ بطور ڈائریکٹر کرکٹ وابستگی اختیار کی ہے۔ انھوں نے بتایا کہ کشمیر پریمیئر لیگ کے ساتھ ان کا ایک سال کا معاہدہ ہے اور جلد وہ پاکستان سپر لیگ کی فرنچائز کراچی کنگز کے ساتھ دوبارہ وابستہ ہونے جا رہے ہیں ، جہاں وہ فرنچائز کے لیے نئے ٹیلنٹ کی تلاش اور دیگر دوسرے کاموں میں مصروف نظر آئیں گے۔سابق ٹیسٹ وکٹ کیپر نے پاکستان کرکٹ بورڈ کے حوالے سے کیے گئے سوال پر جواب دیتے ہوئے کہا کہ ضرور وہ اس حوالے سے اچھی آفر کے بعد فیصلہ کرینگے۔