بہادری اور شجاعت کی داستانیں رقم کرنے والے افسروں اور جوانوں کو اعزازات سے نوازا گیا

آرمی چیف جنرل قمر جاوید باجوہ نے فوجی اعزازات سے نوازا، شہدا کے ایوارڈز اہلخانہ نے وصول کئے

بدھ 18 مئی 2022 22:07

راولپنڈی (اُردو پوائنٹ اخبارتازہ ترین - این این آئی۔ 18 مئی2022ء) بہادری اور شجاعت کی داستانیں رقم کرنے والے افسروں اور جوانوں کو اعزازات سے نوازنے کیلئے جی ایچ کیو راولپنڈی میں تقریب ہوئی جس میں آرمی چیف جنرل قمر جاوید باجوہ نے فوجی اعزازات سے نوازا، شہدا کے ایوارڈز اہلخانہ نے وصول کئے۔

(جاری ہے)

آئی ایس پی آر کے مطابق وطن عزیز کی حفاظت کیلئے مختلف آپریشنز کے دوران بہادری اور شجاعت کی داستانیں رقم کرنے والے افسروں اور جوانوں کو اعزازات سے نوازنے کیلئے جی ایچ کیو راولپنڈی میں تقریب منعقد ہوئی، جس کے دوران آرمی چیف جنرل قمر جاوید باجوہ نے مجموعی طور پر 88 افسروں اور جوانوں کو اعزازات دیئے گئے 48 افسران کو ستارہ امتیاز ملٹری سے نوازا گیا، جبکہ 7 افسران، 3 جونیئر کمیشنڈ آفیسرز اور 30 جوانوں کو تمغہ بسالت سے نوازا گیا، شہداء کے اعزازات کے ان کے اہلخانہ نے وصول کئے، پروقار تقریب میں افسروں اور ان کے اہلخانہ کی بڑی تعداد نے شرکت کی۔