کوئٹہ کسٹم کارروائی، غیر ملکی سامان کی اسمگلنگ کی کوشش ناکام

اتوار 5 جون 2022 22:10

کوئٹہ (اُردو پوائنٹ اخبارتازہ ترین - اے پی پی۔ 05 جون2022ء) کوئٹہ کسٹم نے ایک کارروائی کے دوران غیر ملکی سامان کی اسمگلنگ کی کوشش ناکام بنا دی ۔ کوئٹہ کسٹم حکام کے مطابق لکپاس چیک پوسٹ پر کارروائی میں چھالیہ،بھارتی گٹکا، غیر ملکی سگریٹ اور یوریا کھاد کی بڑے پیمانے پر بیرون ملک اسمگلنگ کی کو شش ناکام بنائی گئی۔

(جاری ہے)

کارروائی میں 442 بوریاں یوریا کھاد بھی برآمد کی گئی ۔ برآمد کیے گئے غیر ملکی سامان کی مالیت ساڑھے 3 کروڑ روپے بتائی جاتی ہے ، اسمگلنگ میں استعمال ہونے والی گاڑیوں کو قبضے میں لے کر قانونی کارروائی کا آغاز کر دیا گیا ہے۔