عمران خان کے اپنے لوگوں نے معلومات دیں کہ وہ پاگل آدمی ہے، رانا ثنا اللہ

پاکستان تحریک انصاف نے تو فیٹف پر کچھ کیا ہی نہیں، اس معاملے میں کچھ کردار تو اسٹیبلشمنٹ کا ہے جس نے فیٹف قانون سازی پر اتحادی جماعتوں کو سابق حکومت کے ساتھ ٹیبل پر بٹھایا، رانا ثنا اللہ کی گفتگو

دانش احمد انصاری اتوار 19 جون 2022 11:58

عمران خان کے اپنے لوگوں نے معلومات دیں کہ وہ پاگل آدمی ہے، رانا ثنا ..

اسلام آباد (اُردو پوائنٹ، اخبار تازہ ترین، 19جون2022) ‏وزیر داخلہ رانا ثنا اللہ نے نجی ٹی وی چینل سے گفتگو کرتے ہوئے کہا ہے کہعمران خان کے اپنے لوگوں نے معلومات دیں کہ وہ پاگل آدمی ہے۔ پاکستان تحریک انصاف نے تو فیٹف پر کچھ کیا ہی نہیں، اس معاملے میں کچھ کردار تو اسٹیبلشمنٹ کا ہے جس نے فیٹف قانون سازی پر اتحادی جماعتوں کو سابق حکومت کے ساتھ ٹیبل پر بٹھایا۔

تفصیلات کے مطابق وفاقی وزیر داخلہ رانا ثنا اللہ نے ایک بار پھر پاکستان تحریک انصاف (پی ٹی آئی) کے چیئرمین عمران خان پر تنقیدکی ہے۔نجی ٹی وی کے پروگرام میں بات چیت کرتے ہوئے رانا ثنااللہ کا کہنا تھا کہ عمران خان کے اپنے لوگوں نے معلومات دیں کہ وہ پاگل آدمی ہے۔انھوں نے مزید کہا کہ عمران خان نے اپنی مرضی کے جج بنا کر اپوزیشن کو سزائیں دینے کا پروگرام بنایا ہوا تھا،عمران خان کو ہٹانے کی ایک وجہ یہ بھی تھی۔

(جاری ہے)

رانا ثنا اللہ کا کہنا تھا کہ پاکستان تحریک انصاف نے تو فنانشل ایکشن ٹاسک فورس (فیٹف) پر کچھ کیا ہی نہیں، اس معاملے میں کچھ کردار تو اسٹیبلشمنٹ کا ہے جس نے فیٹف قانون سازی پر اتحادی جماعتوں کو سابق حکومت کے ساتھ ٹیبل پر بٹھایا ورنہ عمران تو اپوزیشن لیڈر سے ہاتھ ملانے کو تیار ہی نہ تھے ۔